O Gaoioigao le Sau, Mulimuli Mai ia te A’u

Sa aoao e le perofeta o Iosefa F. Samita e taua le mafaufau loloto i tusitusiga paia (tagai i le Mataupu Faavae ma Feagaiga 138:1–11). Taaalo i se taaloga e fesoasoani ia te oe e aoao ai tala mai tusitusiga paia. Feauauai e faatino le leoa se tala faatusipaia e sili ona fiafia i ai a o mate mai e isi tagata uma po o le a lena mea!

O Mataupu Faavae o le Faatuatua na tusia e Iosefa Samita e faamalamalama ai mea tatou te talitonu i ai (tagai i le Mataupu Faavae o le Faatuatua 1:1–13). E mafai ona e maua pepa lautele o i ai se savali o Mataupu Faavae o le Faatuatua i le faaiuga o lomiga taitasi o le mekasini o le Uo i lenei tausaga po o luga o le initoneti i le friend.ChurchofJesusChrist.org. Filifili se tasi e tautau i luga o la outou puipui ma faataitai ona taulotoina. Aisea e taua ai ia te oe?

O le aiga o se vaega taua o le fuafuaga a le Atua (tagai le “O Le Aiga: O Se Folafolaga i le Lalolagi,” Gospel Library). Ina ua soifua mai Iesu Keriso, sa i ai Lona aiga sa alofa tele ia te Ia. Faatulaga se faaaliga o le Fanau Mai o Iesu! Oofu i ofu ma faitau faatasi le tala o le Kerisimasi mai le Tusi Paia (tagai i le Luka 2:1–20; Mataio 2:1–12).

“O Le Keriso Soifua” o se molimau mai perofeta ma aposetolo. Fai se mea teuteu o le molimau o le Kerisimasi! Otioti se li’o pepa. Teuteu le tasi itu mo le Kerisimasi. I le isi itu, tusi ai mea ua e iloa ma talitonu i ai e uiga ia Iesu Keriso. Ona tautau lea i luga e manatua ai lau molimau.