Manatu e 7 mo se Kerisimasi Malie Faaleaiga

1. O Meaalofa mo Iesu

Na valaaulia i tatou e Iesu Keriso e tuu i luga lo tatou malamalama—o Ia! (Tagai i le 3 Nifae 18:24.) E mafai ona tatou faia lena mea e ala i le auauna atu, alofa, ma le faatinoina o le ala Na te faia ai. Mafaufau i se auala e mafai ona e fesoasoani ai i isi ia iloa Lona malamalama. (Tagai i le itulau e 20 mo nisi o manatu!) Tusi pe tusitusi se ata o lou manatu ma tuu i se mea e mafai ona e vaai i ai, e pei o lau laau Kerisimasi. Faaalu aso a o lumanai le Kerisimasi e faamalamalama ai le lalolagi e pei ona sa faia e Iesu!

2. Moli o Faamalama

I Aialani, sa tuu ai e nisi o aiga ni moligao i o latou faamalama e faatusa i le faafeiloaia o Maria, Iosefa, ma le pepe o Iesu i totonu o lo latou fale. Tuu se moli i lou faamalama po o se isi lava mea i lou fale e faafeiloai ai Iesu Keriso ma soo se tasi e asiasi atu ia te oe.

3. Faatanoa Vao o Auaunaga

Fai pe sue se pusa e faatusa i le faatanoa vao na moe ai le pepe o Iesu. O taimi uma lava e te auauna atu ai i se tasi (pe vaai i se isi tagata o auauna atu), tuu se fasi manoa, pepa, po o se vaovao i totonu o le faatanoa e faamalūlū ai mo Ia. Ina ia sili ona malie, fai faalilolilo lau auaunaga!

4. Matamata i le Fetu

I Polani, o nisi o aiga e faatalitali mo le uluai fetu e vaaia a o lei faia le taumafataga o le afiafi i le Vaeluapo o le Kerisimasi. Saili se po manino e matamata ai i le lagi ma manatua le fetu na faaali mai ina ua fanau mai Iesu Keriso. Pe afai foi e le mafai ona e vaai i fetu, tusi ni au lava fetu ma tautau i luga!

5. Kata e Fai

Tusi, teuteu, ma auina atu se tusi i se tasi e manaomia sina alofa faaopoopo i lenei Kerisimasi. (Faaiteite: E matua manaomia e tagata uma se alofa faaopoopo! E tele avanoa eseese.)

6. Teut(eu) le FaleTele

Faaaoga mea o loo siomia ai lou fale e fai ai teuga o le Kerisimasi. E mafai ona e faia ni pepa kiona (o nisi nofoaga e maua ai le kiona i le taimi o le Kerisimasi), maa ua valiina, filifili pepa, popukoni manoa—soo se mea lava! Siaki le tala a Spencer i le itulau e 4 ma le tala a Sadie i le itulau e 36 e vaai ai po o a teuga na latou faia.

7. Fesuiai Aganuu a le lalolagi

Faatasi ai ma lou aiga, sue tu ma aga masani o le Kerisimasi i luga o le initoneti mai se isi atunuu. Faataitai ni nai mea! Atonu latou te faateia oe.