Faasusulu Atu Lo Tatou Malamalama

I afiafi faaleaiga sa matou aoao ai e uiga i le auala e mafai ona tatou faaaoga ai a tatou taleni e faamanuia ai isi ma fesoasoani ia latou lagonaina le alofa o le Atua. Matou te faitau e uiga ia Iesu o loo aoao atu i tagata e tatau ona latou faasoa atu lo latou malamalama nai lo le nanaina. Ona matou talanoa lea e uiga i auala e mafai ona matou faasoa atu ai lo matou malamalama e ala i a matou taleni.

Sa fautua mai lo ma tina ma te taina a ma meafaili mo tagata i se fale o tagata matutua e latalata mai ia i matou. I le taimi muamua sa ma fiafia e taina. Ae ina ua matou taunuu atu i le fale litaea, sa ma lagonaina le popole. Sa ma lagonaina le fefe atili a o ma savavali atu i totonu o le potu lea o le a ma tata ai.

Ae ina ua amata ona ma tata, sa ma lagona le toafimalie. Sa tata vae o tagata ma pepese i a ma pese. Sa ma fiafia i le taina o pese, ma sa ma lagona le fiafia i le vaaia o ataata i o latou foliga.

Talu mai lena taimi, ua ma taina pese i isi fale o tagata matutua, ma e ma te mananao ia faia pea. O le aoao e ta se mea faifaaili e alu ai le tele o le taimi ma le galue malosi, ae ua tatou iloa e mitamita le Tama Faalelagi ia i tatou mo le atiina ae o a tatou taleni ma faasoa atu i isi.

Ata na tusia e Tania Rex