O Se Talanoaga ma Parker e uiga i le Asiasi atu i Palamaira

Ta’u mai ia i matou e uiga ia te oe.

E iva o’u tausaga. E i ai so’u tuafafine e tolu tausaga e igoa ia Madelyn. O le meaai e sili ona ou fiafia i ai o le pizza sisi. O le lanu e sili ona ou fiafia i ai e lanu uliuli. Ou te fiafia e tusi ia tala, taalo i taaloga, ma tusi ata.

E ui lava sa malulu ia fafo, ae sa ou lagonaina se lagona mafanafana ma sa ou iloa e mai le Agaga Paia. Sa ou mafaufau i le ala na tatalo ai Iosefa Samita iina ma vaai ai i le Tama Faalelagi ma Iesu Keriso. Ou te iloa e mafai foi ona ou tatalo, ma o le a tali mai lo’u Tama Faalelagi ia te au.

Ina ua mavae le Vao Paia, sa matou asiasi atu i le Mauga o Kumora. O le Mauga o Kumora o le mea lea na tanuina ai e Moronae papatusi auro mo Iosefa Samita ia mauaina i ni tausaga mulimuli ane. Sa matou o foi i nisi o nofoaga faasolopito o le Ekalesia i le eria sa matou aoao atili ai e uiga i le faaliliuga o le Tusi a Mamona.

Na faapefea e le aoao atili e uiga i le olaga o Iosefa Samita ona fesoasoani ia te oe?

Sa ou aoaoina e lei tele se aoaoga a Iosefa. Sa faigata ia te au ona aoao e faitau. Sa ma filifili ma lo’u tina o le a ou faitauina se fuaiupu mai le Tusi a Mamona i aso uma ma o le a ma tatalo ina ia fesoasoani mai le Tama Faalelagi ia te a’u e aoao e faitau. Ua sili atu le lelei o la’u faitau! Ou te iloa a tatou tatalo ma ole atu mo se fesoasoani, e pei lava o Iosefa, o le a tali mai lo tatou Tama Faalelagi.

O loo ou galue malosi pea ina ia i ai sa’u lava molimau. Ou te fiafia i le talitutusa o Iosefa Samita ia te a’u. Ina ua 14 ona tausaga, sa ia le mautinoa foi po o le a le mea moni. Ou te tatalo i taeao uma ina ia vave ona ou maua se molimau e pei o lana molimau. Ou te iloa o le Tusi a Mamona ou te maua ai se lagona lelei i totonu pe a ou faitauina, ma e mafai ona ou lagonaina le alofa o lo’u Faaola mo au.