O Le Tala o le Kerisimasi

I aso la ua leva, sa ta’u atu ai e se agelu i se tamaitai talavou e igoa ia Maria o le a maua sana pepe. O ia o Iesu Keriso, le Faaola o le lalolagi.

Na malaga atu Maria ma lona toalua, o Iosefa i Peteleema. Ua oo i le taimi e fanau mai ai le pepe a Maria!

Na susulu mai se fetu fou i le lagi. Sa pepese agelu i le lagi.

Sa faanatinati atu leoleo mamoe e vaai i le pepe o Iesu.

I Amerika, sa faatalitali ai tagata mo se faailoga ua fanau mai Iesu. I se tasi po, sa lei pogisa ina ua goto ifo le la! Sa malamalama le lagi seia oo ina oso ae le la i le aso na sosoo ai.

Sa matuai fiafia lava tagata! Sa latou iloa ua fanau mai Iesu.