“Hanganaki Atu ki he Polokalama ʻa e Toʻu Tupú,” Ko e Kaumeʻá, Nōvema 2025, 38–39.
Hanganaki Atu ki he Polokalama ʻa e Toʻu Tupú
ʻE lava ke ke ongoʻi ilifia pe loto-mamahi ʻi he taimi ʻe niʻihi ʻi haʻo mavahe mei he Palaimelí ʻi he taʻu ʻoku hoko ai ho taʻu 12. Ko e meʻa mālié, he ʻoku lahi ha ngaahi meʻa fakafiefia fekauʻaki mo e hoko ʻo taʻu 12 mo e kau ki hoʻo kalasi ʻo e Kau Finemuí pe kōlomu ʻo e Lakanga Taulaʻeiki Faka-ʻĒloné! Ko ha niʻihi siʻi pē ʻeni.
1
Ko e Temipalé
Te ke lava ʻo fakataha mo hoʻo pīsopé ke maʻu ha lekomeni temipale pea fakahoko ʻa e ngaahi papitaiso maʻá e kau pekiá ʻi he temipalé!
2
Ngaahi ʻEkitivitií mo e Ngaahi Meʻa ʻOku Hokó
ʻE lahi hoʻo ngaahi ʻekitivitī mo hoʻomou kulupu ʻo e Kau Finemuí pe Lakanga Taulaʻeiki Faka-ʻĒloné. Te ke lava foki ʻo ʻalu ki he ngaahi kemi ʻa e toʻu tupú ke fiefia mo e niʻihi kehé lolotonga hoʻo ako fekauʻaki mo Sīsū Kalaisi mo ʻEne ongoongoleleí!
3
Ngāue ʻi he Siasí
Te ke lava ʻo maʻu ha uiuiʻi ke ngāue ʻi ha kau palesitenisī fakakalasi pe fakakōlomu. Te ke maʻu foki ha ngaahi faingamālie ke akoʻi hoʻo kalasí, tokoni ʻi hono palani ʻo e ngaahi ʻekitivitií mo tokoni ʻi ha ngaahi founga kehe!
4
Ngaahi Konifelenisi ʻa e Seminelí mo e KFT
ʻI he taʻu ʻe hoko ai ho taʻu 14, te ke lava ʻo kamata ʻalu ki he seminelí ke ako lahi ange fekauʻaki mo Sīsū Kalaisi mo ʻEne ongoongolelei kuo fakafoki maí. Te ke lava foki ʻo kau atu ki he ngaahi konifelenisi KFT (Ki Hono Fakamālohia ʻo e Toʻu Tupú) mo e toʻu tupu kehe ʻoku nau ʻofa mo fie muimui ʻia Sīsū Kalaisí.
5
Ngaahi Meʻa Foʻou MAʻAÚ!
-
ʻI he tokoni ʻa e mātuʻá, totongi ʻa e makasini Ki Hono Fakamālohia ʻo e Toʻu Tupú ʻi he uepisaiti ʻa e Siasí.
-
Fehuʻi ki ha mātuʻa fekauʻaki mo hono download ʻo e Polokalama Gospel Living. ʻOku ʻi ai ha ngaahi fakakaukau fakafiefia ki hono ako ʻo e ongoongoleleí mo fokotuʻu ha ngaahi taumuʻa maʻá e polokalama ʻa e Fānaú mo e Toʻu Tupú.
-
Ako ʻa e Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí. Naʻe hiki ʻa e kiʻi tohi ko ʻení ke tokoniʻi koe ke ke muimui kia Sīsū Kalaisi.
-
Te ke lava mo ho fāmilí ʻo maʻu ha ngaahi talanoa langaki moʻui, mūsika, fanongonongo, mo ha ngaahi meʻa lahi ange ʻi he ngaahi ʻakauni mītia fakasōsiale ʻa e Strive to Be.