Ko e Muimui kia Sīsū ʻi Sipeiní

ʻOku muimui ʻa ʻEimi kia Sīsū Kalaisi ʻaki ʻene tokoniʻi hono fāmilí mo vaʻinga mo hono kāinga ofí. ʻOkú ne pehē, “ʻI he taimi ʻoku ou tokoni ai ki he niʻihi kehé, ʻoku ou ongoʻi lelei mo fiefia ʻaupito.”

ʻOku vahevahe foki ʻe ʻEimi ki he niʻihi kehé fekauʻaki mo e Siasí. ʻOkú ne pehē, “Naʻá ku ongoʻi fiefia ʻaupito ʻi he taimi naʻá ku vahevahe ai ʻa e ongoongoleleí mo hoku ngaahi kaungāmeʻa ʻi he akó.” Naʻá ne fakaafeʻi ha taha ʻo hono ngaahi kaungāmeʻá ki hono papitaisó mo lotua ia. ʻOkú ne saiʻia foki ke vahevahe ʻene meʻakaí mo e meʻa vaʻingá mo e niʻihi kehé.

Taʻu motuʻá: 8

Mei: Kuatalahala, Sipeini

Lea Fakafonuá: Faka-Sipeini

Taumuʻá: ʻAlu ʻo ʻaʻahi ki hono fāmili ʻi Kolomupiá

Ngaahi Meʻa ʻOku Manako Aí: Palālelí (gymnastics), ʻalu mo hono fāmilí ki he fale faivá mo vaʻinga ʻi he paʻaké mo hono ngaahi kaungāmeʻá

Fāmilí: ʻEimi, ongo tuongaʻane, Mami mo Teti

Talanoa Mei he Folofolá: ʻI he taimi naʻe akoʻi ai ʻe Sīsū Kalaisi ʻa e fānaú

Meʻakaí: Arepas (laʻimā fakafonu ʻaki ʻa e meʻakai)

Fuaʻiʻakaú mo e Vesitapoló: Siaine mo e lētisi

Ngaahi Lanú: Pingikī, vāleti, lanu mata

Hiva Palaimelí: “Fānau Au ʻa e ʻOtuá” (Tohi Hiva ʻa e Fānaú, 2–3)