Akoʻi Au fekauʻaki mo e Vahehongofulú

ʻOku kole mai ʻe he Tamai Hēvaní ke tau totongi vahehongofulu. Ko e vahehongofulú ko ha vahe hongofulu ia ʻe taha ʻo ʻetau paʻangá.

ʻOku fakaʻaongaʻi ʻe he Siasí ʻa e vahehongofulú ʻi ha ngaahi founga lahi. Ko e founga ʻe taha ko hono langa ʻo e ngaahi temipalé.

ʻOku ʻalu foki ʻa e vahehongofulú ki he kakai ʻoku faingataʻaʻiá. ʻE lava ke fakaʻaongaʻi ia ke tokoni hili ha meʻa fakatuʻupakē.

ʻI he taimi ʻoku tau totongi vahehongofulu aí, ʻoku tau tokoni ai ki he Tamai Hēvaní ʻi hono tāpuekina ʻa e kakai ʻi he funga ʻo e māmaní.

ʻŪ Koini Vahehongofulú

Fakaʻosi hono valivali ʻa e sēniti ʻe 10. Hili iá pea siakaleʻi leva ha sēniti ʻe taha ke foaki ki he vahehongofulú.