“Mālō e Lelei mei Sipeini!” Ko e Kaumeʻá, Nōvema 2025, 12–13.

Mālō e Lelei mei Sipeini!

ʻOku ʻi he fakatongahihifo ʻo ʻIulopé ʻa Sipeini. ʻOku laka hake ʻi he kakai ʻe 45 milioná ʻoku nofo ʻi aí! Ko e lea fakaʻofisiale ʻi Sipeiní ʻa e lea faka-Sipeiní.

Setas ti Sevilla

ʻOku ui ʻa e ngaahi fuʻu fakamalumalu papa ko ʻení ko e “Fakamalu Tēvolo ʻo Sevilé.” ʻOku nau faʻu ʻa e faʻunga papa lahi taha ʻi he māmaní!

Ko e Vaitafe Kulokulá

Ko e Rio Tinto ko ha vaitafe ia ʻi Sipeini ʻoku ulo lanu kulokula! ʻOku fuʻu lahi ʻaupito ʻa e ʻēsiti (acidic) ʻi he vaí, pea ʻoku maʻu hono lanú mei he ukamea (iron) mo e ngaahi ukamea kehe ʻoku veteki ʻi he vaitafé.

Ko e Laka Faka-Tuʻí

ʻOku ui ʻa e fasi fakafonua ʻo Sipeiní “Ko e Laka Faka-Tuʻí.” Ko Sipeini ko e taha ia ʻo e ngaahi fonua siʻi ʻoku ʻikai ha lea ʻi hono fasi fakafonuá.

ʻOtu Motu Laʻalaʻaá

Ko e ʻOtu Motu Kānelí ʻi Sipeini, ʻoku fakaʻavalisi ke laʻā ia ʻi he ʻaho ʻe 320 ʻi he taʻu kotoa pē!

Feleminikou (Flamenco)

Ko e taha ʻo e ngaahi sīpinga ʻiloa taha ʻo e mūsiká ʻi Sipeiní ko e feleminikoú. ʻOku faʻa kau ʻi hono fakahoko ʻo e feleminikoú ʻa e tā ʻo e mūsiká ʻi he kītaá, hivá mo e hulohulá!

Tā fakatātā ʻo ha mape ʻo Sipeini ʻokú ne fakahaaʻi ʻa e ngaahi feituʻu ʻi he fonuá, ko ha kītā, ko ha tokotaha hulohula feleminikou mo ha temipale