Fiefia ke Tokoni!

Fai ʻe Rebekah Jakeman

Ko ha talanoa moʻoni mei Taiuani.

Ongo nima ʻokú na valivali ha fakatātā ʻo ha konga keke

ʻOku saiʻia ʻa Ī-Hasuni ke tā fakatātā ʻi heʻene kalasi ʻātí.

ʻI he ʻosi ʻa e taimi ʻātí, ʻoku ʻalu ʻa e tokotaha kotoa pē ki tuʻa ʻo lele mo vaʻinga. ʻOku loto ʻa Ī-Hasuni ke lele ʻo lue mo hono ngaahi kaungameʻá.

Ko e sio ha kiʻi taʻahine ki he tō ha kiʻi taʻahine ʻe taha ʻo lavea

Ka ʻokú ne sio ki he humu ʻa Ī-Luei ʻi ha foʻi maka pea naʻe tō ʻaki hono tuí. “ʻOkú ke sai pē?” Ko e fehuʻi ange ia ʻa Ī-Hasuní.

Ko ha kiʻi taʻahine ʻokú ne fakafiemālieʻi ʻa e kiʻi taʻahine ʻoku laveá

ʻOku kalokalo ʻa Ī-Luei pea kamata ke tangi.

Ko e ongo tamaiki fefiné mo e neesi ʻi he akó

ʻOku tokoni ʻa Ī-Hasuni ki hono kaungāmeʻá ke ʻalu ki he neesi ʻa e akó. ʻOku fufulu ʻe he nēsí ʻa e tui ʻo Ī-Lueí mo talaange ke ne mālōlō.

Ko e lue foki ʻa e ongo tamaiki fefiné ki he kalasí

ʻOku tokoni ʻa Ī-Hasuni kia Ī-Luei ke foki ki he loki akó.

Ko e ongo tamaiki fefine ʻokú na tā fakatātā fakataha

ʻOku fiefia ʻa Ī-Hasuni ʻi heʻene muimui ki he sīpinga ʻa Sīsuú ʻo tokoniʻi ʻa Ī-Lueí. ʻOkú na fakaʻosi fakataha ʻena fakatātaá.