“Ko ʻEku Ngaahi Lea ʻi he Ongoongoleleí,” Ko e Kaumeʻá, Nōvema 2025, 10.
Ko ʻEku Ngaahi Lea ʻi he Ongoongoleleí
Kumi ʻa e ngaahi foʻi lea mo e kupuʻi lea ko ʻení ʻi he tatau ko ʻeni ʻo e Ko e Kaumeʻá!
Vahehongofulú
Ko e totongi vahehongofulú ko e fakafoki ia ki he Tamai Hēvaní ʻaki hono foaki ʻo e vahehongofulu ʻe taha (peseti ʻe 10) ʻo e paʻanga ʻoku tau maʻú ki Hono Siasí. ʻOku tokoni ʻa e vahehongofulú ki hono langa ʻo e ngaahi temipalé mo e ngaahi ʻapisiasí mo poupouʻi ʻa e ngāue ʻa e Siasí. ʻI he taimi ʻoku tau totongi vahehongofulu aí, ʻoku tāpuekina kitautolu ʻe he Tamai Hēvaní ʻi ha ngaahi founga lahi!
Ngaahi Kuí
Ko ʻetau ngaahi kuí ko ha kakai kinautolu ʻi hotau fāmilí naʻe moʻui ʻi he taimi fuoloá, ʻo hangē ko ʻetau ngaahi kui tolú. Ko e ngaahi kuí ko ha konga mahuʻinga ia ʻo ʻetau hisitōlia fakafāmilí. Te tau lava ʻo ako fekauʻaki mo kinautolu, manatuʻi kinautolu, pea fakahoko ʻa e ngāue fakatemipalé maʻanautolu kae lava ke tau fakataha ʻo taʻengata.
Indexing
Ko e indexing ko ha founga ia te tau lava ai ʻo tokoniʻi ʻa e niʻihi kehé ke nau ʻilo ʻenau ngaahi kuí! ʻOku tau taipeʻi ha ngaahi hingoa mei he ngaahi lekooti pepa motuʻá ki ha komipiuta koeʻuhí ke lava ʻa e kakaí ʻo fekumi ki he kau mēmipa honau fāmilí pea kumi ha ngaahi lekooti fekauʻaki mo ʻenau moʻuí. ʻOku tokoni ʻeni ki he hisitōlia fakafāmilí mo e ngāue fakatemipalé kae lava ke silaʻi fakataha ha kakai tokolahi ange ʻo taʻengata. Naʻa mo e fānaú te nau lava ʻo tokoni ʻi he indexing!
Mate fakamāʻata
ʻOku hoko ha mate fakamāʻata ʻi he taimi ʻoku mate ai ha taha koeʻuhí ko ha meʻa ʻoku nau tui ki ai. Naʻe mate fakamāʻata ʻa Siosefa Sāmita mo hono tokoua ko Hailamé koeʻuhí naʻe fakapoongi ʻa kinaua ko ʻena tui, moʻui ʻaki, mo akoʻi ʻa e ongoongolelei ʻo Sīsū Kalaisi kuo fakafoki maí.
ʻŪ tā fakatātā ʻa Madison Baker