« I roto i te tīa’ira’a i te fa’anahora’a a te feiā ’āpī », Hoa, Novema 2025, 38–39.
I roto i te tīa’ira’a i te fa’anahora’a a te feiā ’āpī
E nehenehe te vaiihora’a i te Paraimere i te matahiti o tō ’oe 12ra’a matahiti i te tahi taime e mea mata’u ’aore rā e mea ’oto ato’a. Aua’e rā, e rave rahi mau mea ’ana’anatae ’ia rae’a-ana’e-hia tō ’oe e 12 matahiti ’e ’ia ’āmui atu i te piha a te Feiā ’Āpī Tamāhine ’aore rā i te pupu Autahu’ara’a a Aarona ! Teie te tahi hi’ora’a.
1
Te Hiero
E nehenehe ’oe e fārerei atu i tō ’oe ’episekōpo nō te fa’ari’i i te hō’ē parau fa’ati’a nō te hiero ’e ’ia rave i te mau bāpetizora’a nō te feiā pohe i roto i te hiero !
2
Te mau ’ātivite ’e te mau ’ohipa e tupu
E rave rahi ’ātivite tā ’oe ’e tā tā ’oe pupu Feiā ’Āpī Tamāhine ’aore rā autahu’ara’a a Aarona e rave. E nehenehe ato’a ’oe e haere atu i te mau pūhapara’a a te feiā ’āpī nō te ’ārearea ’e ’o vetahi ’ē ma te ha’api’i mai nō ni’a ia Iesu Mesia ’e tāna ’evanelia !
3
Te tāvinira’a i roto i te ’Ēkālesia
E nehenehe ’oe e fa’ari’i i te hō’ē pi’ira’a nō te tāvini i roto i te peresidenira’a o te hō’ē piha ’aore rā pupu autahu’ara’a E fāna’o ato’a ’oe i te mau rāve’a nō te ha’api’i i tā ’oe piha ha’api’ira’a, nō te tauturu i te fa’anaho i te mau ’ātivite, ’e nō te tāvini nā roto i te tahi atu mau rāve’a !
4
Te séminaire ’e te mau ’āmuira’a a te JSF
I te matahiti e rae’ahia ai tō ’oe e 14 matahiti, e nehenehe ’oe e ha’amata i te haere i te séminaire nō te ha’api’i rahi mai nō ni’a ia Iesu Mesia ’e tāna ’evanelia i fa’aho’i-fa’ahou-hia mai. E nehenehe ato’a ’oe e haere i te mau ’āmuira’a JSF (Nō te Pūai o te Feiā ’Āpī) ’e vetahi atu feiā ’āpī ’o tei here ’e ’o tei hina’aro e pe’e ia Iesu Mesia.
5
Te mau mea ’āpī i roto nō ’OE !
-
Ma te tauturu a te hō’ē metua, ’a tāpa’o ia ’oe i te ve’a Nō te Pūai o te Feiā ’Āpī i ni’a i te tahua natirara a te ’Ēkālesia.
-
’A ani i te hō’ē metua ’ia fa’auta uira i te fa’aaura’a rorouira Ora i te ’evanelia E hōro’a mai te reira i te mau mana’o ’ārearea nō te ’apo mai i te ’evanelia ’e nō te ha’amau i te mau fā nō te fa’anahora’a a te mau tamari’i ’e te feiā ’āpī.
-
’A ’imi māite Nō te Pūai o te Feiā ’Āpī : E arata’i nō te rave i te mau mā’itira’a. ’Ua pāpa’ihia teie buka iti nō te tauturu ia ’oe ’ia pe’e ia Iesu Mesia.
-
E nehenehe ’oe ’e tō ’oe ’utuāfare e ’ite mai i te mau ’ā’amu fa’auru, te pehe, te mau fa’aarara’a ’e e rave rahi atu ā i ni’a i te rāve’a tūreiara’a tōtiare Tūtava ’ia riro mai.