« Te mā’itira’a a Logan nō te tuha’a ’ahuru », Hoa, Novema 2025, 8–9.

Te mā’itira’a a Logan nō te tuha’a ’ahuru

Nā Alissa Holyoak

« ’Ua ineine ānei ’oe nō te ha’apa’o i te fa’auera’a ’ia ’aufau i te tuha’a ’ahuru ? » ’ua ui atu māmā.

E ’ā’amu mau nō Marite mai.

E tamaiti e hi’o ra ma te pāpū ’ore i te hō’ē rima e tāpe’a ra i te mau moni tārā marite

I te paera’a te matahiti o Logan, ’ua mana’o ’oia ē te tuha’a ’ahuru e mana’o ’ino roa ïa !

I roto i te pō ’utuāfare, ’ua tu’u māmā 10 tārā marite i ni’a i te ’aira’a mā’a. « E feruri nā tātou, ’ua noa’a ia ’oe 10 tārā marite ».

’Ua ’ata’ata Logan. « Nā reira ! »

« Te tuha’a ’ahuru ’o te 10ra’a ïa i ni’a i te hānere. Nō reira, e hōro’a ïa ’oe hō’ē tārā marite i te ’Ēkālesia a te Fatu ». ’Ua ’īriti mai māmā hō’ē tārā marite nā roto mai i te ha’aputura’a.

’Ua fa’atu’atu’a Logan i tōna mata. « E hōro’a hō’ē tārā marite ? Tē hina’aro nei ho’i au e tāpe’a i te tā’āto’ara’a o tā’u moni ! »

’Ua parau atu māmā, « penei a’e e mana’o ta’a ’ē tō ’oe ’ia pa’ari a’e ’oe ». « Te ha’amaita’i nei te Metua i te ao ra ia tātou i te mau mea ato’a. Te ’aufaura’a i te tuha’a ’ahuru ’o te hō’ē ïa rāve’a nō te fa’a’ite i te Atua ē, ’ua here tātou iāna ’e tē māuruuru nei tātou nō tāna mau ha’amaita’ira’a ».

E tamaiti i roto i te ’ahu purera’a e hi’o ra i te hō’ē hiero

I te onora’a o tō Logan matahiti, ’ua ha’api’i tāna mau ’orometua o te Paraimere iāna ē, e fa’a’ohipahia te tuha’a ’ahuru nō te patu i te mau hiero. ’Ua here roa Logan i te mau hiero. Nō reira, te ’aufaura’a i te tuha’a ’ahuru e mana’o maita’i paha nō te tahi mau ta’ata. ’Eiaha rā nōna.

I te hitura’a te matahiti o Logan, ’ua ’ite atu ’oia ē e mata ’ata’ata tō te ta’ata ’ia hōro’a ana’e rātou i tā rātou vehi rata tuha’a ’ahuru i te ’episekōpo ra. Te hōro’ara’a i tā ’oe moni e fa’a’oa’oa mau ānei te reira ia ’oe ?

I te va’ura’a o tōna matahiti, ’ua ui atu māmā iāna, « Logan, nō te aha ’oe i mā’iti ai e bāpetizo ia ’oe ? »

E uira’a ’ōhie roa te reira ! « Nō te ha’apa’o i te mau fa’auera’a ’e nō te pe’e ia Iesu Mesia », ’ua parau Logan.

« Nō reira, ’ua ineine ānei ’oe nō te ha’apa’o i te fa’auera’a ’ia aufau i te tuha’a ’ahuru ? » ’ua ui atu māmā. « Nā ’oe e hi’o ».

’Ua ’oto te ’ā’au o Logan. E ’ere te reira i te hō’ē uira’a ’ōhie. ’Aita ā ’oia e hina’aro e hōro’a i tāna moni. Terā rā tē hina’aro nei ’oia e ha’apa’o i te mau fa’auera’a. ’Ua mana’o Logan i te mau hiero ’e te mau ta’ata mata ’ata’ata e ’aufau nei i te tuha’a ’ahuru. I muri iho, ’ua huti hōhonu ’oia i te aho ’e ’ua nā ’ō atu, « ’Ē ».

« E mā’itira’a maita’i te reira ! », ’ua parau māmā.

’Ua marū te mana’o o Logan. « ’Ua ’ite au ē, te ha’apa’ora’a i te mau fa’auera’a e mea faufa’a a’e i te tāpe’ara’a i te tā’ato’ara’a o tā’u moni ».

E tamaiti mata ’ata’ata i roto i te ’ahu purera’a e tāpe’a ra i te hō’ē vehi rata tuha’a ’ahuru

I te sābati, ’a hōro’a ai ’oia i tāna vehi rata tuha’a ’ahuru mātāmua i te ’episekōpo, ’ua ’ite a’era Logan e mata ’ata’ata tōna. ’Ua ’oa’oa ’oia ! ’Aita ā ’oia i māramarama i te mau mea ato’a nō ni’a i te tuha’a ’ahuru. ’Ua here rā ’oia i te Atua, ’e ’ua ’ite ’oia e ha’amaita’i te Atua iāna nō te ha’apa’ora’a i te mau fa’auera’a.