« Tā’u mau parau o te ’evanelia », Hoa, Novema 2025, 10.

Tā’u mau parau o te ’evanelia

’A mā’imi i teie mau parau ’e mau pereota i roto i teie ve’a o te Hoa !

Tuha’a ’ahuru

Fa’ahōho’ara’a nō te hō’ē hiero ’e te moni nō te mau fenua ta’a ’ē

Te ’aufaura’a i te tuha’a ’ahuru ’o te fa’aho’ira’a ïa i tā te Metua i te ao ra nā roto i te hōro’ara’a i te hō’ē i ni’a i te ’ahuru (10 i ni’a i te hānere) o te moni e roa’a ia tātou i tāna ’Ēkālesia. E tauturu te tuha’a ’ahuru i te patura’a i te mau hiero ’e te mau fare purera’a ’e te turura’a i te ’ohipa a te ’Ēkālesia. ’Ia ’aufau ana’e tātou i te tuha’a ’ahuru, e ha’amaita’i te Metua i te ao ra ia tātou nā roto e rave rau rāve’a !

Tupuna

Fa’ahōho’ara’a o te tāpa’o FamilySearch e fa’a’ite ra hō’ē tumu rā’au ’utuāfare tei ha’amaita’ihia

E mau ta’ata tō tātou mau tupuna nō roto i tō tātou ’utuāfare, tei ora na i tahito ’ē ra, mai tō tātou mau metua tupuna. E tuha’a faufa’a rahi te mau tupuna nō tō tātou ’ā’amu ’utuāfare. E nehenehe tātou e ha’api’i mai nō ni’a ia rātou, e ha’amana’o ia rātou, ’e e rave i te ’ohipa hiero nō rātou, ’ia ti’a ia tātou ’ia vai ’āmui ē a muri noa atu.

Te tānūmerara’a

Te tānūmerara’a ’o te hō’ē ïa rāve’a e nehenehe ai tātou e tauturu ia vetahi ’ē ’ia ’ite mai i tō rātou mau tupuna ! Tē patapata nei tātou i te mau i’oa nā roto mai i te mau pāpa’a parau tahito i roto i te hō’ē rorouira, ’ia ti’a i te ta’ata ’ia mā’imi i te mau melo o tō rātou ’utuāfare ’e ’ia ’ite mai i te mau pāpa’a parau nō ni’a i tō rātou orara’a. E tauturu te reira i te ’ā’amu ’utuāfare ’e te ’ohipa hiero, ’ia ti’a i te rahira’a ta’ata ’ia tā’ati-’āmui-hia ē a muri noa atu. E nehenehe ato’a te mau tamari’i e tauturu i te tānūmerara’a !

Maratiri

E tupu te maratiri ’ia pohe ana’e te hō’ē ta’ata nō te hō’ē tumu ’o tāna e ti’aturi nei. ’Ua maratirihia Iosepha Semita ’e tōna tu’āna ’o Hyrum nō te mea ’ua taparahi-pohe-hia rāua nō te ti’aturira’a, te orara’a, ’e te ha’api’ira’a i te ’evanelia i fa’aho’i-fa’ahou-hia mai a Iesu Mesia.