’Ua pohe Iosepha nō te ’evanelia

Mau anotupu [habitant] riri e tai’o ra i te ve’a

E rave rahi ta’ata tei riri ia Iosepha Semita ’e i te ’Ēkālesia. ’Aita rātou e au ra i te mea tā Iosepha e ha’api’i ra. ’Ua hina’aro ato’a vetahi e taparahi pohe iāna.

Iosepha Semita e tauahi ra i tōna ’utuāfare

’Ua tītauhia ia Iosepha e haere i te ’oire nō Carthage, ’ia fa’aoti te hō’ē ha’avā ’ua ’ōfati ānei ’oia i te ture. ’Ua ha’amaita’i Iosepha ia Emma ’e i tāna mau tamari’i, ’ua ’apā ia rātou ’e ’ua haere atu i Carthage.

Iosepha ’e ’o Hyrum i ni’a i te mau pua’ahorofenua, e hi’o ra i muri i te hiero nō Nauvoo tei ’ore i oti

’Ua haere atu te taea’e o Iosepha ’o Hyrum ’e te tahi atu mau hoa nā muri iho iāna. ’A fa’aru’e ai rātou, ’ua hi’o atu Iosepha i muri ia Nauvoo. « ’O teie te vāhi nehenehe roa a’e ’e te mau ta’ata maitata’i roa a’e i raro a’e i te ra’i nei », ’ua parau ’oia.

Iosepha i roto i te fare tāpe’ara’a nō Carthage e parau ra i te mau tīa’i, ’a tai’o ai Hyrum i te mau pāpa’ira’a mo’a

I Carthage, ’ua tāpe’ahia te mau tāne i roto i te fare tāpe’ara’a. Hyrum e tai’o ra ia rātou hō’ē tuha’a nō roto mai i te Buka a Moromona. ’Ua parau Iosepha i te mau tīa’i ē e parau mau te Buka a Moromona.

Tē tāmata nei te mau tāne e pūpuhi tā rātou i te tomo i roto i te piha, ’a tāpe’a tāpiri noa ai Iosepha ’e tōna mau hoa i te ’ōpani

I muri a’e i taua mahana ra, ’ua tomo tā’ue mai te mau ta’ata riri ’e tā rātou pūpuhi i roto i te fare tāpe’ara’a. ’Ua ha’amata rātou i te pūpuhi haere i roto i te piha tei reira Iosepha ’e tōna mau hoa. ’Ua pūpuhi-pohe-hia Hyrum ’e ’o Iosepha.

’Ua tāmāhanahana te feiā mo’a mātāmua te tahi ’e te tahi, te hiero nō Nauvoo i muri ia rātou i ni’a i te hō’ē ’āivi

’Ua ’oto rahi roa te feiā mo’a i te ’itera’a ’ua pohe Iosepha ’e ’o Hyrum. ’Ua ’ite rā rātou ē e tāmau noa te ’Ēkālesia i te tupu rahi ’e i te ha’amaita’i i te mau tamari’i a te Atua nā te ao ato’a nei.