E aha tē tupu ’ia pohe ana’e te peropheta ?

Tē pi’i nei te Fatu i te mau peropheta nō te arata’i i tāna ’Ēkālesia, ’e e fa’anahora’a tāna ’ia pohe ana’e te hō’ē o rātou. E arata’i ’e e fa’atere noa ’oia i tāna ’Ēkālesia !

’Ia pohe te Peresideni o te ’Ēkālesia, nā te pupu nō te Tino ’Ahuru Ma Piti ’āpōsetolo e fa’atere i te ’Ēkālesia. I teienei, tei roto ato’a nā ’āpōsetolo e piti tei pārahi na ’ei tauturu i roto i te Peresidenira’a Mātāmua.

E pure te mau ’āpōsetolo ’e e fa’aoti rātou e aha te taime e fa’anaho ai i te hō’ē Peresidenira’a Mātāmua ’āpī.

E pi’i te Fatu i te ’āpōsetolo tei tāvini maoro roa a’e ’o ’oia te peropheta ’e te Peresideni o te ’Ēkālesia ’āpī.

Nā roto i te peropheta ’āpī, e pi’i te Fatu i e piti ’āpōsetolo ’ei tauturu i roto i te Peresidenira’a Mātāmua ’āpī.

E pi’ihia te hō’ē ’āpōsetolo ’āpī nō te tāvini i roto i te pupu nō te Tino ’Ahuru Ma Piti ’āpōsetolo.

I te ’āmuira’a rahi, e ’āfa’i tātou i tō tātou rima i ni’a nō te pāturu i te Peresidenira’a Mātāmua ’āpī ’e te pupu nō te Tino ’Ahuru Ma Piti ’āpōsetolo. Te aura’a nō te pāturura’a, ’oia ho’i, e fa’ari’i tātou ’ia here ’e ’ia pāturu ia rātou ’e ’ia pe’e i tā rātou arata’ira’a ’ei tāvini nā te Fatu.

’Ia pi’ihia te hō’ē Peresideni o te ’Ēkālesia ’āpī ’aore rā te hō’ē ’āpōsetolo ’āpī, e nehenehe tā ’outou e pure nō te ’ite ē, ’ua pi’ihia rātou e te Atua. ’E e nehenehe ’outou e pāturu ’e e turu ia rātou nā roto i te fa’aro’ora’a i tā rātou mau parau ’e te pe’era’a i te reira !