Nā te mau tamari’i pa’ari

’Ua ha’api’i mai au nō te peropheta Samuela i te fare purera’a, ’e ’ua au roa vau i te ’ā’amu !

Liam F., 9 matahiti, Okinawa, Tāpōnē

’Ua ’ite au ē, ’ua ’ite maita’i Iesu Mesia iā’u ’e ’ua ’ite ’o vai au. Tē māuruuru nei au iāna i te tāmāhanahanara’a iā’u i roto i te hō’ē taime fifi, ’e i te ’orera’a e vaiiho iā’u ’ia fa’aruru ’o vau ana’e i te reira.

Antonella D., 10 matahiti, Rio Grande do Sul, Peretīria

Pāpa’i ’aore rā e pāpa’i hōho’a i te hō’ē ’ā’amu mau i roto i te mau ’āfata i raro nei. E nehenehe ’outou e fa’a’ite i te hō’ē ’ā’amu nō roto mai i tō ’outou ’ā’amu ’utuāfare ’aore rā, i te hō’ē taime ’a mā’iti ai ’outou i te maita’i. ’A hāpono mai i te hō’ē hōho’a ’ia oti ana’e ! ’A haere i te ’api tāpo’i nō muri nō te hi’o e nāhea ra.

E ha’amaita’ira’a te tuha’a ’ahuru ! E tauturu te moni tuha’a ’ahuru i te ’Ēkālesia ’ia patu i te mau hiero ’e te mau fare purera’a, ’ia nene’i i te mau pāpa’ira’a mo’a, ’ia turu i te mau misiōnare ’e e rave rahi atu ā. ’Ia ha’apa’o ana’e tātou i te fa’auera’a nō te ’aufau i te tuha’a ’ahuru, e ha’amaita’i te Metua i te ao ra ia tātou nā roto e rave rahi rāve’a (hi’o Malaki 3:10).

’A fa’ata’a i te faufa’a o te toata tāta’itahi. I muri iho ’a tātara i te fifi hope’a. E hia tuha’a ’ahuru tā ’oe e ’aufau ? (Tāpa’o fa’a’ite : te tuha’a ’ahuru ’o te 10ra’a ïa i ni’a i te hānere).