Mau ’ātivite o te Mai, pe’e mai

’Ua here te Fatu i tāna tāvini ia Hyrum Smith nō te « parauti’a o tōna ’ā’au » (Te Ha’api’ira’a Tumu ’e te mau Fafaura’a 124:15). ’A ’imi mai i te aura’a o te ta’o parauti’a ’e ’a tāu’aparau nō ni’a i te reira ’e tō ’oe ’utuāfare. I muri iho ’a pāpa’i hōho’a i te hō’ē māfatu rahi i ni’a i te hō’ē ’api parau. I roto i te māfatu, ’a pāpa’i hōho’a ’aore rā ’a pāpa’i i te hō’ē ’ohipa tā ’oe e nehenehe e rave nō te fa’ari’i i te parauti’a.

I te ho’ira’a Brigham Young nā tāna misiōni mai, ’ua fa’aue te Fatu iāna ’ia aupuru i tōna ’utuāfare (hi’o Te Ha’api’ira’a Tumu ’e te mau Fafaura’a 126). ’A hāmani ’e ’a fa’anehenehe i te hō’ē vaira’a nō te tu’u i te hō’ē hōho’a nō tō ’oe ’utuāfare. Nāhea ’oe ’ia aupuru i te tahi ’e te tahi ?

Tō tātou tino mai te tino ïa o te Metua i te ao ra ’e ’o Iesu Mesia (hi’o Te Ha’api’ira’a Tumu ’e te mau Fafaura’a 130:22). ’A ha’uti i teie ha’uti nō te fa’ahanahana i tō ’oe tino ! ’A mā’iti te tahi i muri mai i te tahi hō’ē ’ohipa, mai te ’ōu’ara’a ’aore ra te tūpa’ipa’ira’a i tō ’oe upo’o. E rave te mau ta’ata ato’a i teie ’ohipa.

E mea here Iesu Mesia ’e te hāmani maita’i (hi’o Te Ha’api’ira’a Tumu ’e te mau Fafaura’a 133:52). ’A tu’u i te i’oa o te ta’ata tāta’itahi i roto i te hō’ē ’āu’a. ’A mā’iti i te hō’ē i’oa ’e ’a tāvini huna i terā ta’ata ra i teie hepetoma.

’O Iosepha Semita te Peropheta o te fa’aho’i-fa’ahou-ra’a mai (hi’o Te Ha’api’ira’a Tumu ’e te mau Fafaura’a 135:3). Pāpa’i hōho’a i tōna orara’a. Nāhea ’oe e ’ite ai e peropheta ’oia ?