« ’Ia ora na nā Pāniora atu ! » Hoa, Novema 2025, 12–13.

’Ia ora na nā Pāniora atu !

Tei te pae apato’a tō’o’a o te rā i Europa te fenua Pāniora. ’Ua hau i te 45 mirioni ta’ata e ora ra i reira ! Te reo mana i te fenua Pāniora ’o te reo Pāniora ïa.

Setas de Sevilla

’Ua pi’ihia teie mau ’āmarara tāmarumaru rarahi te mau « merehune nō Seville ». ’O te mau hāmanira’a-rā’au-rarahi roa a’e te reira nā te ao nei !

Te ’ānāvai ’Ute’ute

’Ua riro te Rio Tinto ’ei hō’ē ’ānāvai Pāniora e ’ana’ana i te ’ū ’ute’ute ! E mea ’ava’ava roa te pape, ’e nō roto mai tōna ’ū i te ’auri ’e te tahi atu mau metalo e tahe ra i roto i te ’ānāvai.

Te ta’āhira’a huiari’i

’Ua pi’ihia te hīmene ’āi’a o te fenua Pāniora « Te ta’āhira’a huiari’i ». ’Ua riro te fenua Pāniora ’ei hō’ē o te mau fenua varavara ē ’aita e parau i roto i tāna hīmene ’āi’a.

Te mau motu hitihia e te mahana

E fana’o te mau motu Canaries i Pāniora ’āri’i a’e e 320 mahana e hitihia i te mahana i te matahiti !

’Ori faramenato

Te hō’ē o te mau huru pehe mātau-roa-hia a’e i te fenua Pāniora o te ’ori faramenato ïa. Nō te fa’ata’i i te faramenato e tītau-pinepine-hia ’ia ha’uti i te tītā, ’ia hīmene, ’e ’ia ’ori !