Mubo nga mga Sulat sa Komperensiya

Si Presidente Oaks nagtudlo nga ang mga pamilya mao ang sentro sa ebanghelyo ni Jesukristo. Sa bata pa siya, ang iyang amahan namatay. Apan ang iyang inahan nagtudlo niya sa ebanghelyo, ug kini nakahatag kaniya og paglaom ug kalinaw. Ang mga pamilya magsagubang og mga hagit, apan kitang tanan makalaom nga kita mahimong kabahin sa usa ka mahangtoron nga pamilya.

Pagdrowing og hulagway sa imong pamilya.

Si Elder Eyring nag-ingon nga sa dihang siya anaa pa sa kolehiyo, ang physics ug ang math lisod para niya. Mibati siya nga nabug-atan ug gustong moundang. Sa dihang nag-ampo siya, mibati siya nga nahupay ug nadasig. Nakakat-on siya nga makabuhat siya sa tanang butang pinaagi ni Kristo, kinsa mopalig-on kanatong tanan (tan-awa sa Mga Taga-Filipos 4:13). Kon kita mag-atubang og mga panahon nga lisod, ang Langitnong Amahan ug si Jesukristo magauban kanato.

Pagdrowing o pagsulat mahitungod sa usa ka higayon nga kamo nagbuhat og butang nga lisod inubanan sa tabang sa Langitnong Amahan ug ni Jesukristo.

Si Elder Brown mipakigbahin nga siya mipasakop sa Simbahan didto sa Jamaica. Ang iyang mga higala nangutana, “Nganong nagpasakop man ka niana nga simbahan? “Nagtuo ba gayod ka nianang tanan?” Apan siya nakabaton og usa ka pagpamatuod gikan sa Espiritu Santo, ug siya mipabilin nga matinud-anon sa iyang pagpamatuod. Kon kita mopili sa pagtuo, ang atong mga pagpamatuod molambo.

Si Sister Spannaus misugilon og usa ka istorya sa Biblia mahitungod sa usa ka babaye kinsa midapit ni propeta Elisha aron mangaon didto sa iyang panimalay. Ang babaye naghimo pa gani og kwarto diha sa iyang balay aron siya adunay usa ka lugar nga kaistaran. Ang Espiritu Santo mikompirmar ngadto kaniya nga siya usa ka propeta sa Dios. Kita usab makabaton og usa ka pagpamatuod sa propeta sa Dios. Kita mahimong mobukas sa atong mga kasingkasing ug mosunod sa ilang direksiyon.

Si Sister Browning namulong mahitungod sa kaimportante sa mga awit sa Primary. Miingon siya nga ang musika mao ang usa ka himan nga makatabang sa pagtanom og mga binhi sa pagpamatuod diha sa atong mga kasingkasing. Kon kita mokanta og mga awit sa Primary, kita mokanta sa atong mga pagpamatuod sa gipahiuli nga ebanghelyo. Buot gihapon ni Jesus nga kita mahimong usa ka bidlisiw!