“Ang Akong mga Pulong sa Ebanghelyo,” Higala, Nobiyembre 2025, 10.
Ang Akong mga Pulong sa Ebanghelyo
Pangitaa kini nga mga pulong ug mga hugpong sa mga pulong niini nga isyu sa Higala!
Ikapulo
Ang pagbayad sa ikapulo mao ang paghatag og balik ngadto sa Langitnong Amahan pinaagi sa pagdonar sa ikapulo (10 porsyento) ngadto sa Iyang Simbahan sa kwarta nga atong kinitaan. Ang ikapulo makatabang sa pagtukod sa mga templo ug mga simbahan` ug makasuporta sa buhat sa Simbahan. Kon kita mobayad sa ikapulo, ang Langitnong Amahan mopanalangin kanato sa daghang paagi!
Mga katigulangan
Ang atong mga katigulangan mao ang mga tawo sa atong pamilya nga nagpuyo sa dugay nang panahon, sama sa atong mga apohan sa atong mga apohan. Ang mga katigulangan importante nga bahin sa atong family history. Kita mahimong magkat-on mahitungod kanila, mohinumdom kanila, ug mohimo og buhat sa templo alang nila aron kita magkauban sa kahangtoran.
Pag-indeks
Ang pag-indeks usa ka paagi nga kita makatabang sa uban nga makit-an ang ilang mga katigulangan! Atong i-type ang mga ngalan gikan sa karaan nga rekord nga mga papel ngadto sa kompyuter aron ang mga tawo makapangita sa mga sakop sa ilang pamilya ug makakita sa mga rekord mahitungod sa ilang kinabuhi. Makatabang kini sa family history ug sa buhat sa templo aron mas daghang tawo ang maselyo nga magkauban sa kahangtoran. Bisan ang mga bata makatabang sa pag-indeks!
Pagkamartir
Ang pagkamartir mahitabo kon ang usa ka tawo mamatay alang sa butang nga ilang gituohan. Si Joseph Smith ug ang iyang isgoon nga si Hyrum mga martir tungod kay gipatay sila tungod sa pagtuo, pagsunod, ug pagtudlo sa gipahiuli nga ebanghelyo ni Jesukristo.
Mga paghulagway pinaagi ni Madison Baker