Si Joseph Namatay alang sa Ebanghelyo

Masuk-anon nga mga tawo sa lungsod nga nagbasa og mantalaan

Daghang tawo ang nasuko ni Joseph Smith ug sa Simbahan. Wala sila makauyon sa unsay gitudlo ni Joseph. Ang uban gusto gani nga mopatay kaniya.

Si Joseph Smith nga naggakos sa iyang pamilya

Si Joseph kinahanglan nga moadto sa siyudad sa Carthage aron ang huwes makahukom kon nakasala ba siya sa balaod. Si Joseph mipanalangin ni Emma ug sa iyang mga anak, mihalok kanila sa pagpanamilit, ug mibiya paingon sa Carthage

Si Joseph ug si Hyrum nga nagsakay og mga kabayo ug naglingi sa wala pa mahuman nga Templo sa Nauvoo

Ang igsoong lalaki ni Joseph nga si Hyrum ug ang ubang mga higala mikuyog kaniya. Sa ilang pagbiya, si Joseph milingi sa Nauvoo. “Mao kini ang labing maanindot nga dapit ug ang labing maayo nga mga tawo ubos sa langit,” miingon siya.

Si Joseph didto sa Bilanggoan sa Carthage nga nakig-istorya sa mga gwardiya, samtang nagbasa si Hyrum sa mga kasulatan

Sa Carthage ang kalalakin-an gibalhog sa bilanggoan. Gibasahan sila ni Hyrum sa Basahon ni Mormon. Gisultihan ni Joseph ang mga gwardiya nga tinuod ang Basahon ni Mormon.

Mga lalaki nga nagdala og mga pusil nga misulay sa pagsulod sa lawak samtang si Joseph ug ang iyang mga higala nagkupot sa sirado nga pultahan

Sa kadugayan nianang adlawa, may masuk-anong mga lalaki nga nagdala og mga pusil ang misulong sa prisohan. Misugod sila sa pagpusil sa kwarto diin anaa didto si Joseph ug ang iyang mga higala. Si Hyrum ug si Joseph napatay.

Ang nahaunang mga Santos nga naghupay sa usag usa nga ang Templo sa Nauvoo anaa sa bungtod sa ilang luyo

Naguol kaayo ang mga Santos sa dihang nahibaloan nila nga namatay si Joseph ug si Hyrum. Apan nahibalo siya nga ang Simbahan magpadayon sa pagtubo ug sa pagpanalangin sa mga anak sa Dios sa tibuok kalibotan.