Naghinam-hinam sa Programa sa Kabatan-onan

Mahimo ka nga makigkita sa imong bishop aron mokuha og rekomend sa templo ug mohimo og mga pagbunyag alang sa mga patay na diha sa templo!

Daghan ka og mga kalihokan uban sa imong grupo sa Young Women o sa Aaronic nga Pagkapari. Mahimo ka usab nga moadto sa mga kamping sa kabatan-onan aron maglingaw-lingaw kuyog sa uban samtang nagkat-on mahitungod ni Jesukristo ug sa Iyang ebanghelyo!

Mahimong hatagan ka og calling aron moserbisyo sa klase o sa kapangulohan sa korum. Ikaw adunay oportunidad usab nga makatudlo sa inyong klase, sa pagtabang sa pagplano og mga kalihokan, ug sa pagserbisyo sa ubang mga paagi!

Sa tuig nga mag-14 anyos ka, makasugod ka sa pagtambong sa seminary aron magkat-on mahitungod ni Jesukristo ug sa Iyang gipahiuli nga ebanghelyo. Makatambong usab ka sa mga komperensiya sa AKK (Alang sa Kalig-on sa mga Kabatan-onan) kuyog sa ubang kabatan-onan nga nahigugma ug gustong mosunod ni Jesukristo.

• Uban sa tabang sa ginikanan, mo-subscribe ngadto sa Alang sa Kalig-on sa mga Kabatan-onan nga magasin sa website sa Simbahan.

• Hangyoa ang ginikanan sa pag-download sa Gospel Living App. Kini adunay makalingaw nga mga ideya alang sa pagkat-on sa ebanghelyo ug paghimo og mga tumong alang sa programa sa Kabataan ug Kabatan-onan.

• Tun-i ang Alang sa Kalig-on sa mga Kabatan-onan: Usa ka Giya sa Paghimo og mga Pagpili. Kini nga booklet gisulat aron matabangan ka sa pagsunod ni Jesukristo.

• Ikaw ug ang imong pamilya makakaplag og makapadasig nga mga istorya, musika, mga pahibalo, ug daghan pa diha sa Strive to Be nga mga account sa social media.