“Unsa ang Mahitabo Kon ang Propeta Mamatay?” Higala, Oktubre 2025, 3.
Unsa ang Mahitabo Kon ang Propeta Mamatay?
-
Ang Ginoo motawag og mga propeta aron mangulo sa Iyang Simbahan, ug Siya adunay plano nga giandam alang sa higayon nga ang usa nila mamatay. Siya kanunayng mogiya ug modirekta sa Iyang Simbahan!
-
Kon ang Presidente sa Simbahan mamatay, ang Korum sa Napulog Duha ka Apostoles mangulo sa Simbahan. Kini karon naglakip sa duha ka Apostoles kinsa mga magtatambag diha sa Unang Kapangulohan.
-
Ang mga Apostol mag-ampo ug modesisyon kon kanus-a mag-organisar og usa ka bag-ong Unang Kapangulohan.
-
Ang Ginoo nagtawag sa Apostol nga labing dugay nga nagserbisyo nga mamahimong sunod nga propeta ug Presidente sa Simbahan.
-
Pinaagi sa bag-ong propeta, ang Ginoo nagtawag og duha ka Apostoles isip mga magtatambag diha sa bag-ong Unang Kapangulohan.
-
Usa ka bag-ong Apostol matawag aron moserbisyo diha sa Korum sa Napulog Duha ka Apostoles.
-
Atol sa kinatibuk-ang komperensiya, kita mopataas sa atong mga kamot sa pagpaluyo sa bag-ong Unang Kapangulohan ug sa Korum sa Napulog Duha ka Apostoles. Ang pagpaluyo nagpasabot nga kita mouyon sa paghigugma ug pagsuporta kanila ug mosunod sa ilang paggiya isip mga sulugoon sa Ginoo.
-
Kon ang usa ka bag-ong Presidente sa Simbahan o Apostol natawag, makaampo kamo aron masayod nga sila gitawag sa Dios. Ug kamo makapaluyo ug makasuporta kanila pinaagi sa pagpaminaw sa ilang mga pulong ug sa pagsunod kanila!