“Hello gikan sa Espanya!” Higala, Nobiyembre 2025, 12–13.
Hello gikan sa Espanya!
Ang Espanya anaa sa habagatang-kasadpan sa Uropa. Sobra sa 45 ka milyon nga mga tawo ang nagpuyo didto! Kinatsila ang opisyal nga pinulongan sa Espanya.
Setas de Sevilla
Kining higante nga mga parasol [dagkong payong-payong] gitawag og “Mushrooms of Seville.” Naglangkob kini sa labing dako nga estruktura nga kahoy sa kalibotan!
Ang Pula nga Suba
Ang Rio Tinto usa ka suba sa Espanya nga nagsilaw sa kapula! Ang tubig acidic kaayo, ug nakuha ang kolor niini gikan sa puthaw ug ubang mga metal nga anaa sa ilawom sa suba.
The Royal March [Ang Harianong Martsa]
Ang nasodnong awit sa Espanya gitawag og “The Royal March.” Ang Espanya usa sa pipila ka nasod nga walay mga pulong ang nasodnong awit niini.
Init nga mga Isla
Ang Canary Islands sa Espanya adunay average nga 320 ka adlaw nga ting-init matag tuig!
Flamenco
Usa sa labing nailhan nga mga estilo sa musika sa Espanya mao ang flamenco. Ang pagpasundayag sa flamenco kasagaran naglakip sa pagtugtog sa gitara, pagkanta, ug pagsayaw!
Mga paghulagway pinaagi ni Amanda Smith