Dali, Sunod Kanako nga mga Kalihokan

Ang Ginoo nahigugma sa Iyang sulugoon nga si Hyrum Smith tungod sa “kaligdong sa iyang kasingkasing” (Doktrina ug mga Pakigsaad 124:15). Tan-awa kon unsa ang ipasabot sa pulong nga kaligdong ug hisgoti kini uban sa inyong pamilya. Dayon pagdrowing og dakong kasingkasing diha sa usa ka piraso nga papel. Sa sulod sa kasingkasing, pagdrowing o pagsulat og usa ka butang nga imong mabuhat aron makabaton og kaligdong.

Sa dihang si Brigham Young mipauli na gikan sa iyang misyon, ang Ginoo misugo niya sa pag-atiman sa iyang pamilya (tan-awa sa Doktrina ug mga Pakigsaad 126). Maghimo ug magdekorasyon og usa ka kwadro nga kabutangan og litrato sa inyong pamilya. Unsaon ninyo pag-atiman sa usag usa?

Ang atong mga lawas sama sa mga lawas sa Langitnong Amahan ug ni Jesukristo (tan-awa sa Doktrina ug mga Pakigsaad 130:22). Magdula niini nga dula sa pagpasidungog sa inyong lawas! Magpuli-puli sa pagpili og aksiyon, sama sa paglukso o paghapuhap sa inyong ulo. Ang tanan mosunod sa aksiyon.

Si Jesukristo mahigugmaon ug mabination (tan-awa sa Doktrina ug mga Pakigsaad 133:52). Ibutang ang ngalan sa matag tawo diha sa usa ka panaksan. Pagkuha og usa ka ngalan, ug sa tago moserbisyo niana nga tawo karong semanaha.

Si Joseph Smith mao ang Propeta sa Pagpahiuli (tan-awa sa Doktrina ug mga Pakigsaad 135:3). Pagdrowing og mga hulagway gikan sa iyang kinabuhi. Sa unsang paagi nga ikaw makahibalo nga siya usa ka propeta?