Te patura’a ia Nāvū

’Ua parau te Fatu i te feiā mo’a ’ia ’āmui rātou i te hō’ē vāhi ’āpī. Tei pīha’i iho i te tahi ’ānāvai rahi, e fenua pape ’e te vari ho’i. E ’ere roa i te fenua maita’i ’ia hi’o hia, nō te patu i te hō’ē ’oire. ’Ua ’ite rā te peropheta Iosepha Semita ē, nā roto i te tauturu a te Fatu, e nehenehe rātou e fa’ariro i te reira vāhi ’ei mea nehenehe mau.

’Ua fa’aitoito te Feiā mo’a nō te fa’ariro i te reira ’ei vāhi maita’i nō te ora ’Ua pi’i ’o Iosepha i tāua ’oire ra Nāvū, ’oia ho’i, « e vāhi nehenehe ».

’Ua hina’aro te Fatu i tāna Feiā mo’a ’ia patu i te hiero i Nāvū. ’Ua ha’amata ’oi’oi te mau ta’ata i te rave i te ’ohipa.

E mau ha’amaita’ira’a rahi a te Fatu nō te hōro’a i tōna nūna’a. I roto i te hiero, e rave rātou i te mau fafaura’a, ’e ’aore rā i te mau fafaura’a ta’a ’ē e te Fatu. I reira rātou e ha’api’ihia ai i te fa’anahora’a nō te ’oa’oa a te Metua i te ao ra nō tāna mau tamari’i ato’a.

’Ua ’āmui te Feiā mo’a nō te patura’a i te hiero. Mea huru maoro te patura’a, ’ua ’ana’anatae rā rātou ’ia ha’api’i i te mau fafaura’a ta’a ’ē tā te Fatu e vai ra nō rātou i roto i tāna hiero.