Te mau ’ātivite nō te Mai, pe’e mai », Hoa, Tetepa 2025, 22–23.

Mai, pe’e mai te mau ’Ātivite

1–7 nō Tetepa : Te Ha’api’ira’a Tumu ’e te mau Fafaura’a 94–97

E patu i te hiero

E piti tamari’i e patu ra i te hō’ē hiero e te tihota

’Ua riro te hiero ’ei vāhi i reira te Atua e ha’amaita’i ai ia tātou (hi’o Te Ha’api’ira’a Tumu ’e te mau Fafaura’a 95:8). ’A patu i tā ’outou iho hiero ma te fa’a’ohipa i te tihota, te ’ōfa’i ānei, ’e ’aore rā te mau mea nō roto mai i te nātura ! ’Ia oti ’a hāpono mai i te tahi hōho’a tā ’outou i hamani. ’A huri i te ’api tāpo’i nō muri nō te hi’o e nāhea.

8–14 nō Tetepa : Te Ha’api’ira’a Tumu ’e te mau Fafaura’a 98–101

’A fa’atupua na

E piti tamari’i i rāpae, tē ti’a noa ra hō’ē, te tahi tē horo ra iāna ra ma te rima i mua iāna

Tē ha’api’i nei te mau pāpa’ira’a mo’a, « ’A fa’aea noa na ma te hau ’e ’ia ’ite ē ’o vau nei te Atua » (Te Ha’api’ira’a Tumu ’e te mau Fafaura’a 101:16). Te aura’a ra, ’ia fa’atupua ana’e tātou, e nehenehe tātou e ha’afātata atu i te Metua i te ao ra. Ha’uti i teie ha’uti nō te fa’aea-hau-noa-ra’a. Hō’ē ta’ata e horo haere ra nō te tāmata e tāpe’a i te tahi atu mau ta’ata. ’Ia tāpe’ahia i te hō’ē, e fa’aea ti’a noa rātou ma te hā’uti’uti ’ore. Hou ra rātou e ti’a ai ’ia horo fa’ahou, e tītauhia ia rātou i te fa’a’ite i te tahi mea i ni’a i te Metua i te ao ra.

15–21 nō Tetepa : Te Ha’api’ira’a Tumu ’e te mau Fafaura’a 102–105

Hāmanira’a Mōrī Hinu

Tamari’i e tāpe’a ra i te hō’ē mōrī hinu i hāmanihia e te ’api parau

E nehenehe tātou e riro ’ei māramarama nō vetahi ’ē nā roto i te pe’era’a i te hi’ora’a ’o Iesu Mesia ’e te aupurura’a ia vetahi ’ē (hi’o Te Ha’api’ira’a Tumu ’e te mau Fafaura’a 103:9). Huri i te ’api 13 nō te hāmani i tā ’outou iho mōrī hinu !

22–28 nō Tetepa : Te Ha’api’ira’a Tumu ’e te mau Fafaura’a 106–108

Te mau ’ohipa ’ātivite nō te ’āmuira’a

Tamari’i e rave ra i te ’ātivite fa’a’ūra’a

E mea faufa’a i te fa’aro’o i te peropheta a te Atua ’e te mau ’āpōsetolo (hi’o Te Ha’api’ira’a Tumu ’e te mau Fafaura’a 107:22–23). Tai’o i te ’ā’amu i te ’api 4 nō te fa’ari’i atu i te mau pāhonora’a mai te ’āmuira’a rahi. ’A pāpa’i i tā ’outou iho mau uira’a i ni’a i te ’api 6. E ’ite ato’a ’outou i te mau ’ohipara’a tā ’outou e nehenehe e rave ’a fa’aro’o noa ai ’outou i te ’āmuira’a.