« 5 nā mea e ha’amana’o nō ni’a i te pārurura’a i te tino », Hoa, Tetepa 2025, 38–39.

5 nā mea e ha’amana’o nō ni’a i te pārurura’a i te tino

E hōro’a tō ’outou tino nō ’ō mai i tō tātou Metua i te Ao ra Tē hina’aro nei ’oia e tauturu ia ’outou ’ia pāruruhia ’e ’ia ’oa’oa. Mai te mea e tāmata te hō’ē ta’ata e ha’apēpē ia ’outou nā roto i te mau parau ’aore rā i te mau peu, ’aita roa ïa i TANO ! E ti’a ia tātou ’ia riro ’ei feiā maita’i ’e te fa’atura ia vetahi ’ē, ’e ’ia tītau tātou ia rātou ’ia fa’a’ite ato’a mai i te hāmani maita’i ’e te fa’atura ia tātou.

E mea MAITA’I ’ia parau ē, ’aita, noa atu e ta’ata pa’ari. ’O ’outou te fatu nō tō ’outou tino. Te aura’a ra, nā ’outou e fa’aoti e nehenehe ānei te hō’ē ta’ata e tāpe’ape’a ia ’outou, e tauahi ia ’outou, ’aore rā e ’āpā ia ’outou. E nehenehe ’outou e ha’api’ipi’i i te parau ē « ’Aita », « Fa’aea te tāpe’ape’a mai iā’u » ’e « Fa’aātea, ’aita vau e hina’aro i te ta’ata ’ia tāpiri mai iā’u ». Mai te mea e tāpe’ape’ahia ’outou ’aore rā e anihia ’outou ’ia rave i te mea e fa’aha’amā E NEHENEHE ’outou e parau ’aita ’e e fa’aru’e i te reira vāhi mai te mea e nehenehe.
’Ia ’ite ’outou e aha te mau fārereira’a maita’i ’aore rā te mea ataata. E tauturu te hō’ē fārereira’a pāpū ia ’outou ’ia ’ite ’ua herehia ’outou (mai te hō’ē tauahira’a ’aore rā te pā’ira’a rima) ’aore rā ’ia vai mā noa ’e te ’ea maita’i (mai te hō’ē metua e tauturu ia ’outou ’ia hopu i te pape ’aore rā te hō’ē taote e tauturu ia ’outou ’ia ma’i-ana’e-hia ’outou). I te tahi taime, e nehenehe te hō’ē tāpe’ape’ara’a e ha’amāuiui, mai te fa’ari’ira’a i te hō’ē pātia arai, e huru pāruru te reira nō tō ’outou ea maita’i. E ha’amāuiui te hō’ē tāpe’ape’ara’a ataata i tō ’outou tino ’aore rā i tō ’outou ’ā’au, mai te ta’irira’a, te tūra’ira’a, ’aore rā te tāpe’ape’ara’a i te mau tuha’a tura o te hō’ē ta’ata. E’ita teie mau tāpe’ape’ara’a māuiui ’aore rā huru ’ē e fa’ari’ihia.
Tē vai ra te tahi mau tuha’a tura ’o tō ’outou tino ’aita e ti’a i te ta’ata ’ia tāpe’ape’a. I roto i te mau tuha’a tura ’o tō ’outou tino te vaira ’o tē tāpo’ihia e te ’ahu nō te ’aura’a. E’ITA vetahi ’ē e fa’ari’ihia ’ia tāpe’ape’a i tō ’outou mau tuha’a tura (nā raro a’e ’aore rā nā ni’a i tō ’outou ’ahu) ’aore rā ’ia ani ia ’outou ’ia tāpe’ape’a atu i tō rātou ra. ’Ia tupu noa atu te reira i ni’a ia ’outou, ’a paraparau ’oi’oi i te hō’ē ta’ata pa’ari ti’aturihia mai te mea e nehenehe ia ’outou.
’A ha’amana’o i te ta’a-’ē-ra’a i rotopū i te mau parau huna ’e te mau mea e tupu te ’āria. Te mea maere, o te hō’ē ïa ’ohipa ’oa’oa tē riro ’ei mea ’ārearea nō te mau ta’ata ato’a, mai te hō’ē tao’a hōro’a nō te mahana fānaura’a. Te hō’ē parau huna ’o te paraura’a ïa te hō’ē ta’ata ia ’outou ’eiaha e fa’a’ite noātu i te hō’ē ta’ata. Mai te mea e anihia ia ’outou ’ia tāpe’a i te hō’ē parau huna nō ni’a i te hō’ē ta’ata e tāpe’ape’a ’aore rā e ha’amāuiui ra ia ’outou, e ti’a ia ’outou ’ia fa’ati’a-’oi’oi-atu i te hō’ē ta’ata tā ’outou e ti’aturi ra. ’A tāmau noa i te fa’ati’a i te feiā pa’ari ti’aturihia ē tae roa e tauturu mai te hō’ē ta’ata nō te pāruru ia ’outou.
Mai te mea e tāpe’ape’a ’aore rā e ha’amāuiui mai te hō’ē ta’ata ia ’outou, e ’ere nō ’outou te hape. E tāmata paha te hō’ē ta’ata tei ha’amāuiui ia ’outou ’ia tūra’i ia ’outou ’aore rā ia vetahi ’ē ’ia ti’aturi ē ’ua rave ’outou i te hō’ē ’ohipa ’ino, ’aita rā ’outou i nā reira noātu. ’Ua ’ite ’e ’ua here roa tō ’outou Metua i te Ao ra ’e ’o Iesu Mesia ia ’outou. ’A ani i te tauturu i te hō’ē ta’ata pa’ari ti’aturihia, ’e ’a ha’amana’o ē e nehenehe ’outou e pure tāmau i tō ’outou Metua i te Ao ra ’ia tauturu ato’a mai ia ’outou.