Te ha’uti-’āmui-ra’a

Nā Jane McBride

E ’ā’amu mau nō Marite mai.

E mea mo’emo’e roa ’o Diego. ’Ua haere tōna ’utuāfare e ora i te hō’ē vāhi ’āpī. ’Ua mihi ’oia i tōna mau hoa i tōna fare tahito.

Hō’ē tamaiti e hi’ora’a ’oto ’a ha’uti ai ’oia ’e tōna tuahine iti

’Ua ha’uti ’o Diego ’e tōna tuahine iti ’o Cara i teienei. ’Ua hina’aro ato’a rā ’oia i te hō’ē hoa ’āpī.

Hō’ē ta’ata ’e te hō’ē vahine e fa’a’ite āna’e ra i tā rāua tamaiti i te tahi ’e te tahi

’Aita i maoro ’ua fa’aea mai te hō’ē ’utuāfare tāpiri mai iō rātou. E tamaiti iti tā rāua, mai iāna ato’a ! ’O Sam tōna i’oa.

E ha’uti noa ’o Diego rāua ’o Samu i te mau mahana ato’a.

E tamāroa e ha’uti ra e te pere’o’o auahi iti ; hō’ē tamāroa e tāmāhanahana ra i tōna tuahine iti e ta’i ra

I te hō’ē mahana ’a ha’uti ai rāua, ’ua ’ite ’o Diego ē ’ua ’oto Cara. Peneia’e tē iho ra i roto iāna te mo’emo’e.

Te tamaiti mata ’ata’ata ’e te hō’ē tamāhine ’oa’oa i te hōhorara’a i tōna nā rima

Ui atura Diego : « Hina’aro ’oe e haere mai e ha’uti nā muri ia māua ? »

Ma te mata ’ata’ata rahi, parau atura Cara : « Ha’uti ! »

E piti nā tamāroa e ha’uti ’āmui ra i te pere’o’o auahi ’e te hō’ē tamāhine

’Ua ha’uti ’āmui āna’e ihora ’o Diego, Samu, ’e ’o Cara i te pere’o’o auahi. ’Ua tūra’i ’e ’ua huti rātou i te mau pere’o’o auahi . « Choo-choo ! » ’Ua ’ata’ata ’o Diego. Tē ’ārearea ra ’oia, ’e ’o Cara !