Te mau ’ātivite nō te ’āmuira’a

’Ia ha’amata ana’e te ta’ata a’o ’āpī i tāna a’ora’a, ’a mā’iti i te hō’ē tāpa’o i roto i te tāpura i raro nei. I reira e fa’a’ohipa atu ai i te ’ū nō te fa’a’ū i te mau tāpa’o ’a fa’aro’o noa ai ’outou i te a’ora’a.

’A pe’e na i te ’ē’a tāfifi e tō ’oe manimani rima ’ia ti’a ia ’oe ia fa’aro’o i te ’āmuira’a rahi ma te muhu ’ore. E fa’a’ohipa te tahi ’api parau ta’a ’ē nō te tāmata i te pāpa’i te hōho’a nā ’oe iho !

E tai’o i te ’ā’amu ’o Lou i te ’api 4. E aha tā ’oe mau uira’a nō ni’a i te ’evanelia ? ’A pāpa’i i te reira i roto i te mau ’āfata i raro nei nō te fa’aha’amana’ora’a ’a fa’aro’o noa ai ’oe i te ’āmuira’a. ’A ha’apāpū ē, e pure nō te fa’ari’i i te mau pāhonora’a.

• Nene’i ’e ’aore rā tāpūpū i te mau hōho’a nō roto mai i te Liahona nō te Peresidenira’a Mātāmua, te mau ’āpōsetolo, ’e te tahi atu ā feiā fa’atere. ’Ia ti’a mai hō’ē ta’ata a’o ’āpī nō te hōro’a i tāna a’ora’a, e ’imi ’oe i tō rātou hōho’a.

• ’Ei ’utuāfare, ’a mā’iti i te tahi ta’o nō te fa’aro’o atu (mai te aroha ’e ’aore rā te hiero). ’A pāpa’i i te ta’o i ni’a i te hō’ē ’api parau. I te taime ato’a e fa’aro’o ai ’outou i te ta’o ra i roto i te a’ora’a, e pāpa’i hōho’a atu i te hō’ē feti’a ’e ’aore rā e tu’u i te hō’ē tāpiri i ni’a i te ’api.

• E ha’amata i te tahi peu tumu ’utuāfare nō te ’āmuira’a ! ’A hāmani i te tahi tuha’a ta’a ’ē ’e ’aore rā te tahi atu mea nō te fa’ariro i te hope’a hepetoma ’ei mahana ta’a ’ē roa.