’Itera’a pāpū nā roto i te pehe

I roto i tō’u fenua, e katolika te rahira’a o te mau ta’ata. E haere au i te fare ha’api’ira’a katolika.

I te tau ei roto vau i te piha CE1, e fa’ata’i tā’u ’orometua ha’api’i i te pehe ’a rave ai mātou i tā mātou mau ’ātivite i te mau mahana. I te hō’ē ra avatea, ’ua ani mai ’oia ia mātou, ’aita ānei tā mātou e pehe e hina’aro ’ia fa’ata’ihia. Fātata tō’u matahiti e 8 i terā matahiti ’e tē fa’aineinehia ra tō’u bāpetizora’a. ’Ua puta mai te mau parau « J’aime à chercher l’arc-en-ciel [E mea au nā’u ’ia ’imi i te ānuanua] » i roto i tō’u ferurira’a. ’Ua ani au i tā’u ’orometua ’ia fa’ata’i i te hīmene « Le Jour de mon baptēme » nā Te ’Ēkālesia a Iesu Mesia i te Feia Mo’a i te Mau Mahana Hope’a nei. ’Ua fa’ari’i tā’u ’orometua ’e ’ua ’imi atu ra.

’Aita i maoro roa, ’ua ha’utihia te hīmene nō te tā’āto’ara’a o te piha ’ia fa’aro’o rātou. I te ha’amatara’a, ’ua huru ’ē ri’i tō rātou hi’ora’a iā’u, i muri iho rā ’ua nīoa atu vau i te Vārua Maita’i i roto i tō’u ’ā’au ’Ua hōro’a mai ’oia i te hau iā’u nei.

I taua mahana ra, ’ua ho’i au i te fare ma te ’oa’oa rahi i roto i te ’ā’au nō tō’u fa’a’itera’a i te ’evanelia i tō’u mau hoa nā roto i tā’u hīmene Paraimere au roa hia e au. Tē mana’o nei au, e rāve’a maita’i roa nā’u nō te fa’aineine i te tītau manihini i tō’u mau hoa ’ia haere mai i tō’u bāpetizora’a.

Pia i te PDF

Fa’ahōho’ara’a nā Simini Blocker