Pata pa’ari ē te huero pipi ’āno’i-’ōhie

• 1 punu (16 oz/450 g) huero pipi farai

• 2 ’āvota

• 1/4 ’āu’a na’ina’i (65 g) salsa [mā’a tehutehu]

• 1 ’āu’a na’ina’i (225 g) tirīmu ’ava’ava

• 2 ’āu’a na’ina’i (240 g) pata pa’ari orohia

• Te mau ’āno’i e au : tōmāti tāpūpūhia, ’ōniāni matie, ’e ’aore rā te mau ’ōrive ’ere’ere

• faraoa tō papa’ā farai

Mai te mea ’aita tā ’outou teie mau māa, e nehenehe ’outou e fa’a’ohipa i te mau mā’a nō te vāhi tā ’outou e ora ra ! Mai te mea ’aita tā ’outou e huero pipi farai, e nehenehe ’outou e fa’ararerare i te huero pipi ’ere’ere ē te tumi miti papa’ā puehu.

1. ’A ueue i te huero pipi i roto i te hō’ē pāni e 8 ’īniti (20-tenetimetera) ’aore rā te tahi mea mai te reira te huru.

2. I roto i te hō’ē ’āu’a na’ina’i, ’a fa’arapu i te ’āvota e te ’āfara’a o te salsa [mā’a tehutehu]. I teie nei ’a ha’aparare i te reira i ni’a i te pipi.

3. ’A ’āno’i i te tirīmu ’ava’ava ’e te toe’a o te salsa [mā’a tehutehu]. ’A ha’aparare i te reira i ni’a i te ’āvota.

4. ’A ueue i te pata pa’ari i orohia ’e ’a tu’u i te fa’anehenehe ’ia hina’aro ana’e.

5. ’A tāipu e te faraoa tō papa’ā farai ’e ’a tāmā’a maita’i !