Pae faraoa ’e piti i’a

Teie te tahi o tē mau ’ā’amu au roahia e au nō roto mai i te Faufa’a ’Āpī. Hau atu e pae tauatini ta’ata tei fa’aro’o i te ha’api’ira’a a te Fa’aora i taua mahana tā’āto’a ra. Ha’amata atu ra rātou i te po’ia.

Hō’ē rā o tāna nāu pipi i parau, « E pae a te hō’ē tamaiti iti nei pāne, ’e piti ho’i i’a ; e aha rā ho’i te reira e rava’i ānei nō teie nei feiā rahi ? » (Ioane 6:9).

’Ua ani a’e ra ’o Iesu ia rātou ’ia ’āfa’i mai i te mā’a iāna ra, ’e pure iho ra. Tupu a’era te semeio. ’Ua nava’i nō te fa’a’amu i te mau ta’ata ato’a i reira. ’E ’ua toe mai 12 ’ete faraoa !

Tē hina’aro nei au e ha’amana’o ’outou nā vai teie mau faraoa ’e teie mau i’a i hōpoi mai. Nā te hō’ē tamaroa ’āpī roa ! ’Ua hōro’a ’oia i tāna mau tao’a ato’a i te Fa’aora ra.

’Aue ho’i te faufa’a rahi o te mau tamari’i i mua i te Metua i te ao ra. ’Ia pe’e ana’e ’outou ia Iesu Mesia nā roto i te tāvinira’a ia vetahi ’ē, e ha’amaita’i mai ’oia ia ’outou.