Unsaon Ninyo sa Pagkahibalo nga ang Langitnong Amahan Nahigugma Kaninyo?

Mabati nako ang gugma sa Langitnong Amahan pinaagi sa akong mga ginikanan. Nagpakita sila og maayong mga ehemplo alang nako, ug mabati nako ang ilang walay kondisyon nga gugma. Mabati usab nako ang gugma sa Dios pinaagi sa pagbasa sa mga kasulatan ug pag-ambit sa sakramento matag Dominggo.

Layden U., edad 10, Tuamsaga, Samoa

Mabati nako ang gugma sa Langitnong Amahan kon ako mag-ampo ug kon ako mohimo og maayong mga butang alang sa ubang mga tawo.

Philicia H., edad 10, Christ Church, Barbados

Akong mabati nga ang Langitnong Amahan nahigugma nako tungod kay gihatagan ako Niya og pamilya ug mibuhat og daghang maanindot nga mga butang alang nako aron magpuyo nga malipayon.

Tiffany A., edad 8, Ceará, Brazil

Akong mabati ang gugma sa Langitnong Amahan kon ako kauban sa akong mga kabayo. Naghunahuna ko nga nagkat-on gihapon ko unsaon sa pagbati niini.

Eirwen B., edad 9, Wyoming, USA

Nasayod ko nga ang akong Langitnong Amahan nahigugma nako tungod kay gilalang ko Niya. Nahigugma Siya nako tungod kay gipadala Niya ang Iyang Hinigugma nga Anak aron mamatay alang sa akong mga sala. Gitubag Niya ang akong mga pag-ampo.

Sharon K., edad 9, Central Region, Uganda

Siya motabang kanato. Gihatagan ko Niya og maayong panglawas, usa ka talagsaong pamilya, ug nindot kaayo nga eskwelahan. Nagtabang ug nagsuporta Siya sa masakiton ug sa mga tawo nga nanginahanglan.

E’rich J., edad 9, Ouest, Haiti

Ang gugma sa Langitnong Amahan makapahimo nako nga luwas ug segurado.

Jarom K., edad 10, Hattula, Finland

Nasayod ko nga ang Langitnong Amahan nahigugma nako tungod kay Siya mipanalangin nako sa matag adlaw.

Jack C., edad 10, Cebu, Philippines

Nagpuyo ko sa usa ka dapit nga gilibotan sa kabukiran, ug kon moadto ko didto aron magkamping, akong mabati ang gugma sa atong Langitnong Amahan.

Chloé L., edad 10, Auvergne-Rhône-Alpes, France

Akong mabati ang gugma sa Dios kon ako adunay tabang nga makabaton og maayong sportsmanship atol sa mga dula sa soccer.

Brayden Q., edad 10, Colorado, USA