Bilanggoan sa Liberty

Nasunog nga mga balay ug masuk-anong mga lalaki nga adunay mga pusil

Daghang tawo sa Missouri wala makagusto sa mga Santos. Ang gobernador mipadala og mga sundalo aron pabiyaon sila.

Ang tawo nga nagsakay og kabayo mition sa espada ngadto ni Joseph Smith

Ang mga sundalo miaresto ni Joseph Smith ug sa ubang mga lider sa Simbahan. Usa ka gabii, ang mga gwardiya nangatawa mahitungod sa dili maayong mga butang nga ilang nahimo ngadto sa mga Snatos.

Si Joseph Smith nga kinadenahan ang iyang mga kamot, nagbarog ug nakigsulti sa mga lalaki

Mibarog si Joseph ug misinggt, “Paghilom!” Namulong siya uban sa gahom sa Dios. Ang mga gwardiya nangayo og pasaylo ug mihunong sa pagsulti.

Si Joseph Smith ug ubang mga lalaki sa Bilanggoan sa Liberty masulub-on ug gitugnaw

Unya, si Joseph ug ang iyang mga higala gibutang sa usa ka bilanggoan sa lungsod nga gitawag og Liberty. Ang bilanggoan tugnaw, gamay, ug ngitngit. Sila adunay hugaw nga uhot lamang nga katulgan. Ang pagkaon nga gihatag ngadto nila nakapahimo nilang masakiton.

Si Joseph Smith nga naghilak ug usa ka tawo naghupay niya

Si Joseph nabalaka sa mga Santos. Apan wala siyay bisan unsa nga mahimo sa pagtabang kanila.

Si Joseph Smith nagluhod aron mag-ampo diha sa bilanggoan

Nag-ampo pag-ayo si Joseph. Nangutana siya kon nakalimot ba ang Dios kaniya ug sa mga miyembro sa Simbahan.

Si Joseph Smith nga nagluhod sa bilanggoan, naghangad sa kahayag sa adlaw nga milusot sa gamay nga bintana

Gitubag sa Dios ang pag-ampo ni Joseph. Miingon Siya, “Akong anak, kalinaw nganha sa imong kalag.” Gisultihan sa Dios si Joseph nga ang iyang mga hagit dili molungtad sa kahangtoran ug nga kini alang sa iyang kaayohan. Misaad Siya nga magauban Siya ni Joseph “hangtod sa kahangtoran” (Doktrina ug mga Pakigsaad 121:7, 46).