“Mga Panalangin sa Templo,” Higala, Agosto 2025, 2–3.
Gikan sa Unang Kapangulohan
Ang mga Panalangin sa Templo
Gikuha gikan sa “Ang Ginoong Jesukristo Moanhi Pag-usab,” Liahona, Nob. 2024, 121–22.
Nagtukod kita og mga templo sa daghang lainlaing mga nasod. Nganong nagtukod kita og daghan kaayong templo? Tungod ang Ginoo nagsugo kanato sa pagbuhat sa ingon. Ang mga panalangin sa templo nagtabang sa pagpundok sa Israel sa duha ka habig sa tabil. Kini nga mga panalangin nagtabang usab sa pag-andam nato alang sa Ikaduhang Pag-anhi sa Ginoo!
Diha sa balay sa Ginoo, kita motutok ngadto ni Jesukristo. Kita magkat-on Kaniya. Kita mohimo og mga pakigsaad, o mga saad, sa pagsunod Kaniya. Kita mahimong makaila Kaniya.
Kon kita motuman sa atong mga pakigsaad sa templo, kita makabaton og mas dakong akses ngadto sa makapalig-on nga gahom sa Ginoo. Sa templo, makasinati kita sa tiunay nga gugma ni Jesukristo ug sa atong Langitnong Amahan.
Motabang sa Pagpundok sa Israel
Ang pagpundok sa Israel nagpasabot sa pagtabang sa tanang anak sa Langitnong Amahan nga mobalik ngadto Kaniya. Ang templo nagtabang nato sa pagbuhat niana! Makatabang ba kamo sa tanan sa pagpangita sa ilang agianan agi sa labirinto [maze] ngadto sa templo?
Mga paghulagway pinaagi ni Alyssa Tallent