Pagtabang sa Libro sa mga Himno

Ni Savannah L. Tanner

Usa ka tinuod nga istorya gikan sa Denmark.

Si Amalie ganahan nga motabang. Mitabang siya ni Mama sa pagpahimutang sa mga plato diha sa lamesa. Mitabang siya ni Papa sa pagpangita sa iyang mga sapatos. Ug siya ang nag-ampo sa panahon sa pagbasa sa pamilya sa kasulatan.

Batan-ong babaye nga mitimbaya sa duha ka batang babaye diha sa simbahan

Matag Dominggo, ang pamilya ni Amalie mosimba. Si Mama ang mipatukar sa piano. Ang iyang magulang nga babaye, nga si Emma, mao ang miabli sa pultanan alang sa tanan. Si Papa ang mihatag sa mga pahibalo. Ang iyang magulang nga lalaki, nga si Alexander, mipaambit sa sakramento. Ang tanan kinahanglan nga motabang sa simbahan.

Ang tanan gawas kaniya!

Si Amalie nasayod nga si Jesukristo mitabang sa tanan nga Iyang nahimamat. Gusto siya nga motabang sama sa Iyang gibuhat! Apan dili siya makapatukar sa piano. Dili usab siya makatabang sa mga pahibalo. Mibati siyag gamay nga kasubo. Tingali makahimo siya sa pagtabang kon mas dako na siya.

Usa ka lalaki nga nagsul-ob og Amerikana nakigsulti sa usa ka batang babaye sa simbahan

Usa ka adlaw sa wala pa magsugod ang simba, ang presidente sa branch miduol ni Amalie. Mipahiyom siya “Mahimo bang imong iapud-apod ang libro sa mga himno?” mihangyo siya.

Mibalos og pahiyom si Amalie. “Oo!”

Usa ka batan-o-ng babaye nga nagdala og pipila ka libro sa mga himno

Nag-amping, gikuha niya ang pipila sa berde nga libro sa mga himno gikan sa estante. Gibutang niya ang usa ka libro sa matag lingkoranan.

Lalaki, babaye, ug batang babaye nga naglingkod sa lingkoranan sa simbahan ug naggamit sa libro sa mga himno sa pagkanta

Sa dihang nagsugod ang simba, ang tanan miabli sa ilang libro sa mga himno. Nalipay kaayo si Amalie. Gitabangan niya silang tanan aron sila magkadungan sa pagkanta!

Gikan nianang higayona, ang tanan sa pamilya ni Amalie mitabang sa simbahan. Si Mama ang mipatukar sa piano. Si Emma ang migunit sa pultahan. Si Papa ang mihatag sa mga pahibalo. Si Alexander ang mipaambit sa sakramento. Ug si Amalie ang mibutang sa libro sa mga himno diha sa mga lingkoranan.

Si Amalie nalipay nga makatabang siya sa Langitnong Amahan. Nasayod siya nga gusto Niya nga motabang siya sama sa gibuhat ni Jesus.