Dali, Sunod Kanako nga mga Kalihokan

Ang mga propeta makadawat og pagpadayag mahitungod sa pagtukod sa mga templo (tan-awa sa Doktrina ug mga Pakigsaad 84:4–5). Adto sa pahina 2–3 aron mabasa ang mensahe sa propeta mahitungod sa mga templo ug mohimo og usa ka kalihokan.

Agosto 4–10: Doktrina ug mga Pakigsaad 85–87

Paborito nga mga Butang

Ang mga kasulatan nagtudlo nato nga kinahanglan nga isulat nato ang importante nga mga butang (tan-awa sa Doktrina ug mga Pakigsaad 85: 1–2). Sa usa ka papel, isulat, idrowing, o ipapilit ang mga litrato sa unsay importante nganha kaninyo.

Agosto 11–17: Doktrina ug mga Pakigsaad 88

Pagkat-on ug Pagtudlo

Ang mga kasulatan nagtudlo nga kinahanglan kitang makat-on kutob sa mahimo (tan-awa sa Doktrina ug mga Pakigsaad 88:118). Paghunahuna og butang nga imong gustong makat-onan. Pagbasa og libro mahitungod niini, pangutana og usa ka higala, o paghimo og pagsiksik kauban sa tabang sa ginikanan. Pagdrowing og usa ka litrato sa unsay inyong nakat-onan ug ipakigbahin kini sa inyong pamilya!

Agosto 18–24: Doktrina ug mga Pakigsaad 89–92

Pagkaon ug Kalingawan

Ang Langitnong Amahan gusto nga atong isulod ang maayong mga pagkaon ug mga mainom sa atong mga lawas aron sa pagtabang nato nga mahimsog! Gitawag kini nga ang Pulong sa Kaalam (tan-awa sa Doktrina ug mga Pakigsaad 89). Tabang sa paghimo og resipe nga inyong ganahan nga adunay mga prutas o mga utanon. Hangyoa ang usa ka hamtong sa pagtabang sa pagluto!

Agosto 25–31: Doktrina ug mga Pakigsaad 93

Kahayag ug Kamatuoran

Taboni ang flashlight og daghang piraso sa papel. Tangtangi og usa matag higayon nga inyong mabasa ang usa niini nga mga kasulatan: Doktrina ug mga Pakigsaad 93:24, 28, 37. Hisgoti kon sa unsang paagi nga ang mga kasulatan makahatag nato og kahayag.