“Ikaw Espesyal,” Higala, Agosto 2025, 20–21.
Ikaw Espesyal
Gikan sa usa ka interbiyo ni Bradley Salmond III ug Karly Lay.
Sa dihang gagmay pa ang akong mga anak, mihatag ako nila og mga panalangin sa pagkapari matag tuig sa dili pa magsugod ang ting-eskwela. Usa ka tuig, ang akong anak nga babaye nakasinati og malisod nga panahon. Wala gayod kaayo ko makasabot unsay iyang nasinati ug mibati nga nahigawad.
Dihay nahitabo sa dihang akong gipatong ang akong mga kamot sa iyang ulo ug nagsugod sa paghatag og panalangin. Pinaagi sa gahom sa Espiritu Santo, ang Ginoo mitabang nako nga motan-aw sa akong anak nga babaye isip usa ka talagsaon ug bantogan nga anak nga babaye sa Dios. Ang akong panglantaw hingpit nga nausab. Wala na ako mahigawad.
Ang Langitnong Amahan mitabang nako nga motan-aw sa akong anak nga babaye isip espesyal ug talagsaon. Nasayod ko nga ikaw talagsaon usab! Matahom ka ug puno sa balaang mga talento ug mga abilidad. Ikaw tinuod gayod nga anak sa langitnong mga ginikanan. Ug nagtuo ko nga tinuod kini sa matag usa nga anak dinhi sa yuta. Ikaw espesyal ug balaan.
Puno sa Gugma
Pagdrowing og litrato sa imong kaugalingon nga anaa sa kwadro. Samtang magdrowing ka, hunahunaa kon sa unsang paagi nga ikaw usa ka anak sa Dios. Ibitay kini nga pahina isip usa ka pahinumdom nga ikaw espesyal ug balaan.
Ako espesyal ug balaan.
Mga paghulagway pinaagi ni Fiona Powers