Pagsunod ni Jesus sa Tonga

Himamata si Ana

Si Ana misunod ni Jesukristo pinaagi sa pagtabang sa iyang pamilya. Nagsunod siya sa iyang mga ginikanan ug nagtabang sa pagbantay sa iyang manghod nga lalaki. Miingon siya, “Sa higayon nga ako motabang sa uban, mobati ko nga mapasalamaton ug malipayon.”

Nagsunod usab si Ana sa Manluluwas pinaagi sa pag-ampo kon siya nagkinahanglan og tabang. Si Ana usa ka mananayaw. Kon mopasundayag siya sa atubangan sa mga tawo, makulbaan siya. Ang pag-ampo nagtabang niya nga makabaton og kaisog sa pagpasundayag ug mohimo sa iyang labing maayo.

Mahitungod ni Ana

Edad: 10

Gikan: sa Tongatapu, Tonga

Mga Pinulongan: Tongan ug Iningles

Mga tumong: 1) Mahimong usa ka magtutudlo. 2) Mahimong magdudula sa netball.

Mga Gikalingawan: Paglangoy, pagdula kauban sa mga higala, ug paggahin og panahon kauban sa pamilya

Pamilya: Mama, Papa, ug upat ka igsoong lalaki

Mga Paborito ni Ana

Istorya sa Kasulatan: Sa dihang gipakaon ni Jesus ang 5,000, tungod kay Iyang gihimo nga mahitabo ang milagro.

Holiday: Pasko

Prutas ug utanon: Kiwi ug ’ufi (ubi sa Tonga)

Kolor: Violet

Kanta sa Primary: “Sunda ang Propeta” (Songbook sa mga Bata, 58–59)