Alang sa Mas Magulang nga mga Bata

Mobati ko og kalinaw kon mobasa ko sa Basahon ni Mormon.

Packer T., edad 9, Utah, USA

Kon ako mopakigbahin mahitungod sa Simbahan, mobati ko nga naghimo ko sa misyonaryo nga buhat alang sa Langitnong Amahan. Mobati ko nga malipayon kaayo Siya kanako. Nasayod ko nga kitang tanan mahimong maayong mga misyonaryo.

Lily C., edad 12, Taoyuan, Taiwan

Tabangi si Nita sa pagpangita sa iyang higala diha sa bilding! Makaadto lang siya sa usa ka kwarto nga tupad sa iyang kwarto, ug ang duha ka kwarto kinahanglang adunay magkapareha nga butang. Pananglitan, makaadto siya gikan sa kwarto 1 hangtod 5 tungod kay kini nagsunod ug kini parehong adunay asul ug abohon nga libro. Si Nita mobisita sa matag kwarto kausa. Ang iyang higala anaa sa kataposan nga kwarto nga iyang sudlan.

Isulat ang han-ay sa mga kwarto nga iyang bisitahan.

Pagpuli-puli sa pagdula niining madramahon nga dula kauban sa usa ka higala. Pagpili og usa ka tawo nga mahimong Masulub-on ug usa ka tawo nga mahimong Malipayon. Ang Masulub-on mosugod sa dula pinaagi sa pagsulti og subo nga butang. Dayon ang Malipayon moingon “PERO!” ug modugang og makalipay nga butang mahitungod sa gisulti sa Masulob-on. Pagbaylo mo og tahas ug dulaon kini pag-usab. Gamita kini nga eskrip aron makasugod:

Masulub-on: Masakiton ko karon.

Malipayon: PERO! Ang akong higala nagdala og butang nga nindot kan-on.

Masulub-on: Ang akong mga buluhaton makalaay kaayo.

Malipayon: PERO! Kon dali ko nga mahuman, makadula ko kauban sa akong mga higala.

Sulati ang walay sulod nga mga kwadrado aron ang mga numero 1–4 anaa sa matag laray (patabok), matag kolum (pataas ug paubos), ug sa matag kahon nga gilatid. Makahunahuna ka ba og upat ka butang nga buhaton karon?