Pagtukod og Templo

Pahina nga anaa sa PDF sa mga templo, mga templo nga gitukod pa, mga tawo nga nagpala sa seremonya sa pagsugod sa konstruksiyon, mga sakyanan sa konstruksiyon, mga tawo sa open house sa templo, ug usa ka batang babaye sa atubangan sa usa ka templo

Ang Ginoo misulti ni Joseph Smith nga kinahanglan silang magtukod og templo (tan-awa sa Doktrina ug mga Pakigsaad 84:4–5). Ang unang mga templo sa ulahing mga adlaw mao ang Kirtland, Ohio, ug Nauvoo, Illinois, sa USA.

Karon kita adunay hapit 200 ka nakompleto nga mga templo sa tibuok kalibotan, ug daghan pa ang gitukod! Tan-awa ang mga litrato aron makita kon giunsa nato pagtukod og mga templo karon.

Ang mga arkitekto motabang sa pagdesinyo sa mga templo. Dayon ang mga tigtukod mao ang motrabaho!

Kon ang konstruksiyon sa templo andam na nga sugdan, ang mga lider ug mga miyembro sa Simbahan magpundok alang sa usa ka espesyal nga seremonya nga gitawag og seremonya sa pagsugod sa konstruksiyon. Mag-ampo sila alang sa templo ug sa mga tawo nga anaa sa duol.

Kon mahuman na ang templo, ang mga bisita makasuroy niini. Human niini nga pagsuroy, usa ka propeta o apostol mobisita sa templo ug mosulti og espesyal nga pag-ampo aron ipahinungod ang templo. Kini nga pag-ampo mao ang makatabang sa paghimo sa bilding nga usa ka balay sa Ginoo diin ang sagrado nga mga ordinansa mapahigayon.