Tusia e Oe
E Moni Iesu?
I se tasi aso sa matou faatasi ai ma nai o’u tei i le laulau e fai la matou suesuega faaleaiga o tusitusiga paia. Sa amata e lo’u tina la matou lesona o le Sau, Mulimuli Mai ia te A’u , ae sa ou le faalogo lelei i ai. Sa ou mafaufau i se isi mea: E moni ea Iesu?
I le lotu ma le Peraimeri sa matou aoao ai e moni o Ia, ae ou te lei iloaina mo a’u lava. Sa ou mafaufau ma mafaufau, ae sa le mafai ona ou maua le tali.
Ina ua uma le suesuega i tusitusiga paia, sa ou fesili atu i lo’u tina, “E moni ea Iesu?”
“Manaia le fesili!” na ia fai mai ai. “Ae a pe a e tatalo e uiga i ai?”
“Ua lelei,” na ou fai atu ai.
O lena po sa ou faia ai se tatalo ma fesili atu, “Tama Faalelagi e, e moni ea lou Alo?” Ona ou lagonaina lea o se lagona mafanafana moni i lo‘u loto. Sa ou iloa sa tali mai le Atua i la‘u tatalo. Ina ua mavae lena, sa ou faia se tatalo faafetai i le Tama Faalelagi mo le tali mai ia te a‘u. Ou te iloa e faafofoga mai o Ia i a‘u tatalo ma o le a Ia faafofoga foi i au tatalo.
Ata na tusia e Emily Davis