Tupe i le Maketi

Sa ataata Anane a o savali atu i le auala. Na faatumulia le maketi i le manogi o le falai o i’a ma talanoaga pisi a tagata. Sa agai atu o ia i le fale o Uncle. Sa tuu atu e Tina ia Anane se tupe e ave ia Uncle.

Sa tilotilo solo o ia i laulau uma o loo faatau atu ai meaai, ma isi mea. Ona tau atu lea o lana vaai i se mea.

Sa i ai se laulau meaai sa i ai ni meaai māmā se lua e sili ona fiafia i ai, o le toffee ma le masi. Sa tilotilo o ia i le tupe na tuuina atu e Tina ia te ia. O le selau cedis o se tupe telē, sa ia mafaufau ai. O ana meaai māmā e sili ona fiafia i ai sa na o le 10 cedis. Atonu o le a le iloa e uncle pe afai o loo misi se tupe.

Na faatau e Anane meaai māmā. Sa ia tuu se toffee i lona gutu ma savali pea i le fale o Uncle.

Sa tu Uncle i fafo o lona fale a o savali atu Anane.

“Oi o Anane laitiiti! Sau,” na fai atu ai Uncle. “O le a se mea e mafai ona ou faia mo oe?

“Sa ou aumaia mo oe se tupe mai ia Tina.” Sa tuu atu e Anane ia te ia le tupe, ona toe tuu lea o ona lima i totonu o ana taga. Mata o le a iloa e Uncle o loo misi se isi tupe? Sa ia tilotilo atu a o faitauina e Uncle.

“Faafetai mo le aumaiga o le tupe,” na fai mai ai Uncle.

Sa fiafia Anane e lei matauina e Uncle le tupe o loo misi. Sa ia faatofā atu ma amata le savaliga umi i le fale. A o alu o ia, sa uma ona ia aia lana toffee ma masi.

“Na a mai le savaliga i le fale o Uncle?” Na fesili ai tina ina ua taunuu Anane i le fale.

Sa faamimigi ona tauau. “Sa lelei.

“Faafetai mo le aveina o lena tupe ia te ia mo au,” o le tala lea a Tina.

Sa tilotilo ifo Anane i lalo i le fola. Sa amata ona ia lagona le tausalaina. Ae faapefea pe iloa e ona matua na ia faaaluina se isi tupe? Sa le’i manao o ia e aluese la faatuatuaga.

O le taeao na sosoo ai, sa fai atu ai Tina ia Anane e faatau mai ni mea i se faleoloa lata ane. “Sau sa’o i le fale pe a uma le faatau, ua e iloa?”

“Ua lelei.” Sa ui atu Anane i le maketi, ae sa le’i tu o ia e faatau se mea. Sa faanunumi ona mata ma mafaufau, O le taimi lenei o le a ou faia tonu lava le mea na fai mai ai Tina.

O le taimi lava na uma ai, na alu sa’o lava o ia i le fale. Sa ia tuuina atu ia Tina le tupe uma na totoe.

O le Aso Sa lena, na alu ai Anane i lana vasega o le Peraimeri. “Taeao manuia!” na fai mai ai lona faiaoga. “O le asō tatou te aoao ai e uiga i le usiusitai.” E taua mo i tatou le faalogo i o tatou matua ma faia filifiliga lelei.”

Sa mafaufau Anane i le tupe na ia faaaluina i le toffee ma masi. Sa ia lagonaina mole o lona manava. Sa ia iloa sa ia faia se filifiliga sese.

Ina ua uma le lotu, sa manao Anane e talanoa i ona matua. Sa topetope le tātā o lona fatu.

“Tina, Tama? E te lua iloa le tupe na e tuuina mai ia te au e ave ia Uncle?” Na fesili ai Anane. “Ia, sa faatau ai ni au meaai māmā i se vaega o le tupe.” Sa tilotilo o ia i lalo i le fola. “Ou te faamalie atu.”

“Faafetai atu i lou faamaoni,” sa fai mai ai Tama. “Ua ou mimita ia te oe.”

Sa ataata Anane. Sa matuai fiafia o ia ona sa ia ta’u atu le mea moni. Ma sa ia maua faalogona lelei ina ua uma ona ta’u atu i ona matua. Lea ua ia faia se filifiliga lelei atu.

Tatala le PDF

Ata na tusia e Aleksandar Zolotic