Aoaoina ma le Tuputupu A’e
Na tatou o mai i le lalolagi ina ia mafai ona tatou aoao ma tuputupu ae ma avea faapei o le Tama Faalelagi i se aso (tagai Mose 1:39). O nisi taimi tatou te faia ai filifiliga tatou te le lagona ai le mitamita. Pe a tatou agasala pe faia se mea sese, o se avanoa mo i tatou e liliu atu ai ia Iesu Keriso.
E mafai lava ona e tuputupu ae ma toe taumafai pe a e faia se mea sese po o se filifiliga leaga. E alofa atoatoa le Tama Faalelagi ma Iesu Keriso ia te oe ma e mafai ona fesoasoani ia te oe i aso uma!
E Mafai Ona Salamo Tagata Uma
O le filifili e fai se mea e te iloa e tetee i poloaiga a le Atua o se agasala. Na silafia e le Tama Faalelagi o le a tatou agasala uma ma faia filifiliga leaga. O le mafuaaga lena na Ia auina mai ai Lona Alo, o Iesu Keriso. Ona o Ia, e mafai ai ona tatou salamo, lagona Lona alofa, ma faia ni filifiliga sili atu (tagai Enosa 1:5–6). Manatua, ua folafola mai le Alii, “O lē ua salamo i ana agasala e faamagaloina o ia, ma o au le Alii, ou te le toe manatua lava” (Mataupu Faavae ma Feagaiga 58:42).
Aoao mai Mea Sese
O mea sese o se mea e te faia faafuasei. O nisi taimi o mea sese e mafai ona e lagona ai le faanoanoa po o le mā. Ae e le manaomia ona tatou taulai atu i a tatou mea sese! E mafai ona tatou aoao mai ai ma tuu ese atu. E mafai foi ona fesoasoani mai Iesu Keriso ia i tatou i nei mea.
O ata na tusia e Tatsiana Burgaud