Faitau Faigofie

Upu Mālū ma Faigofie

Saunia e Jane McBride

O se tala moni mai le ISA.

O tamaiti o loo nonofo i le Peraimeri ma faalogologo i se taitai

Sa ataata Kaci a o nofo i lona nofoa i le Peraimeri. O nei sa fai ai le aoaoga a tamaiti i le sauniga faamanatuga. Sa taufaafefe le fai atu o lana vaega, ae sa ia faia!

Sa tu i luma Sister Dench, le peresitene o le Peraimeri. “Lelei tele outou i le sauniga faamanatuga ananei!” o lana tala lea. “Ou te iloa sa outou galulue malosi uma e aoao a outou vaega.”

O tama e toalua o loo talanoa, o le teineitiiti o loo foliga faanoanoa

“Sei vagana ai Kaci,” o le tala lea a se tasi o tama matutua. “Sa leai se isi na iloa mea na ia fai mai ai.”

Sa faaūū atu Sister Dench i le tamaitiiti, ona liliu atu lea e ’ata’ata ia Kaci. “Sa e faia se vaega manaia tele.”

Sa taumafai Kaci ia aua le tagi. Sa ia faia le mea sili e aoao ai lana vaega. Ae o nisi taimi e le sa’o ai ana upu.

Teineitiiti o loo tagi ma lona aiga i totonu o le taavale

A o agai atu i le fale, sa le mafai e Kaci ona toe taofi ona loimata.

“O le a le mea ua tupu?” Na fesili ai Tina.

“Sa ula mai se tasi o tamaitiiti ia te a’u. Fai mai sa le’i sa’o le faiga o la’u vaega.” Sa amata ona tagi tele o ia.

Tina ma le teineitiiti o loo talanoa i le taavale

“Sa lelei lau vaega.” Ua ma mitamita lava ma Tama ia te oe,” o le tala lea a Tina. “E te iloa se isi tagata e mitamita ia te oe?”

Na lūlū le ulu o Kaci.

“O Tama Faalelagi,” o le tala lea a Tina. “Na te silafia na e faia le mea sili na e mafaia.”

Na lagona e Kaci si fiafia teisi. Sa manao o ia e faaaoga ana upu e fesoasoani ai i isi tagata ia lagona foi le fiafia.

I le aoga, sa ta’u atu ai e Kaci i lona faiaoga sa manaia lana aoao.

I le fale, sa faaleleia ai e Tama se fata. Sa fai atu Kaci ia te ia o loo ia faia se galuega lelei i le faamanaiaina o le latou fale.

I fafo, sa taaalo faatasi ai Kaci ma lona tuagane i le polo. Sa ta’u atu e Kaci ia te ia sa lelei lana togi.

Teineitiiti o loo mafaufau i le auala na ia faaaogaina ai upu agalelei i isi

O le ta’u atu i tagata sa latou faia se galuega lelei na maua ai e Kaci se lagona lelei i lona loto. Ina ua ia vaaia le ‘ata’ata o isi, sa ia iloa ai o ana upu faigofie na faia ai se eseesega tele!