Talofa mai Taiuani!

O Taiuani o se motu e latalata i Hong Kong. E sili atu ma le 23 miliona tagata e nonofo ai iina. O gagana e tele ina tautatala ai o le Meniterini, Hokkien, ma le Hakka.

Taimi o Sina Moe!

I Taiuani e masani lava i aoga ma ofisa ona fai sina moe pe a uma le taumafataga o le aoauli.

O Se Fugalaau Faapitoa

Na avea le fuga o le palumu [plum] ma faatusa aloa’ia o Taiuani i le 1964. Sa latou filifilia aua e fuga mai e oo lava i le taimi o le taumalulu.

Vave le Tilivaina

O le Taipei 101 o le fale aupito maualuga lea i Taiuani. E i ai se lifi e matua saoasaoa lava e na o le 37 sekone e alu ai mai le fogafale lona 5 i le fogafale lona 89.

Mauga e Tele

O le silia ma le afa o Taiuani e lofia i mauga. E i ai foi ni nai maugamu, ae e lei pāpā mo le faitau selau o tausaga.

Nuanua Matagofie

O le nuanua aupito umī ma umi i le lalolagi na tupu i Taiuani. Na toeitiiti atoa le iva itula na mafai ona vaaia e tagata!

Faamanatuina o le Sulu o le Lagi

O le Faaaliga o le Sulu o Taiuani o se faatusa o le faamoemoe, olioli, ma le lotogatasi. I le taimi o lenei fiafiaga tele, e fai ai e tagata sulu [molīmatagi] ma auina atu i le lagi.