O Lo Tatou Lalolagi Matagofie

Sa ma aveina ma lo‘u toalua ni nai fanau a le ma fanau i se togalaau matagofie i Farani. Sa matou faamemelo i fugalaau matagofie, lili vai, ma vaituloto.

O le faatoaga sa masani ona anaina e se tamāloa e igoa iā Claude Monet. O ia o se valiata maoae. Sa galue ma le faaeteete o ia i lana togalaau mo le 40 tausaga. Sa ia faia le faitau selau o atavali na musuia i lana togalaau.

O le matagofie o le natura e mafai ona fesoasoani ia i tatou e maua ai le lotofaafetai mo lo tatou Tama Faalelagi ma Lona Alo, o Iesu Keriso. Na latou foafoaina lenei lalolagi matagofie ma mauga, vaitafe, laauiti, ma manu.

O nei foafoaga matagofie ua faaalia ai le alofa tele o le Atua ia i tatou. Ae peitai, e o mai foi ma tiute ma matafaioi. Ua ta‘ua lenei mea o se tausimea. E tatau ona tatou tausia mea na foafoaina e le Atua mo i tatou.

Ua valaaulia foi i tatou e lo tatou Tama Faalelagi e auai i Lana galuega foafoa. E mafai ona tatou fatuina ni faatufugaga, musika, ma isi mea e faafiafia ai o tatou olaga ma faamanuia ai isi.

Ua folafola mai e le Atua faamanuiaga silisili pe a tatou alolofa ma tausia le lalolagi ma le tasi ma le isi. A e faia, o le a e lagona le faateleina o Lona alofa i lou olaga.

Faatufugaga o le Pepa Masaesae

Na aoao mai Epikopo Caussé e mafai foi ona avea i tatou ma foafoa! O se galuega taulima lenei e mafai ona e faia e faamanatu atu ai ia te oe foafoaga matagofie a le Tama Faalelagi.

1. Su‘e se ata o se mea i le natura e musuia ai oe.

2. I luga o se fasi pepa, faaaoga se penitala e tusi ai ni vaega eseese o le ata.

3. Sasae se pepa lanu e faaaoga i lau ata.

4. Faapipii fasi pepa lanu i totonu o lau auivi.

Tatala le PDF

O ata na tusia e Maddie Baker