O Le Faataitaiga a le Tina o Lo’u TinaMatua

Saunia e Peresitene Henry B. Eyring

Fesoasoani Lua i le Au Peresitene Sili

Sii mai le “E Faigofie le Mataupu Faavae a Iesu Keriso,” Liahona, Nov. 2024, 96–99.

O se tamaitai o loo lalagaina ie, o loo siomia e tagata matutua ma tamaiti o loo faalogologo ia te ia

Sa tuuto atu le tina o lo’u tinamatua o Mary Bommeli i le faasoaina atu o le talalelei a Iesu Keriso. Sa aoaoina lona aiga e faifeautalai i Suitiselani ina ua 24 ona tausaga.

Ina ua uma lona papatisoga, sa siitia atu Mary i Siamani. Sa ia iloaina sa le mafai ona taofia o ia mai le faasoa atu o mea sa ia aoaoina. Sa faapotopoto tagata e faalogologo i lana aoao atu a o ia lalagaina ie.

Na talanoa Mary e uiga i le Tusi a Mamona ma le asiasiga a le Tama Faalelagi ma Iesu Keriso ia Iosefa Samita. Sa ia aoao atu e uiga i le Toetu. Sa ia molimau atu e mafai ona faatasia e faavavau aiga

O le aoaoina o fanau a le Tama Faalelagi e uiga ia Iesu Keriso o se galuega paia. A o tatou aoao atu nei mataupu faavae ia i latou tatou te alolofa i ai, o le a fesoasoani le Agaga Paia ia i tatou e iloa ai le upumoni.

Tusi se Ata o se Tala a se Aiga

Sa musuia Peresitene Eyring e le tina o lona tinamatua. O ai o lou aiga e musuia oe e filifili le mea sao? Faaaoga lau o loo i lalo e tusi ai se tala faaleaiga.